Совети со кои ќе ги избегнете грешките кога правите ориз

Важно е да го измиете оризот пред готвење и никако немојте да го мешате додека го варите. На што друго треба да обрнете внимание кога правите ориз?

Оризот е една од оние работи кои се подготвуваат многу лесно, но исто така многу лесно може да го „зафркнете“.

Понекогаш ќе ви остане тврд, понекогаш премногу мек, па добро е да знаете неколку трикови кои ќе ви помогнат секогаш да имате совршено подготвен ориз.

Совети за да подготвите совршен ориз:

Времето на варење не е исто за секој вид

Оризот е готов кога водата во тенџерето ќе испари. Во просек, за ова се потребни околу 20 минути.

Но, кога станува збор за интегрален (кафен) ориз, времето на варење е подолго. Исто така, кафениот ориз не омекнува целосно како белиот.

Секогаш мијте го оризот пред да го готвите

Исплакнете го оризот пред да го готвите, зашто така ќе го направите помалку леплив и ќе спречите да се згрутчи при готвењето.

Оризот е измиен кога водата од него ќе биде проѕирна, односно нема да биде бела.

Не мешајте го додека се вари

Освен ако не готвите рижото, не мешајте го оризот додека се вари, затоа што на тој начин голема е веројатноста да стане густ и леплив.

Ако готвите на рингла, користете тенџере со дебело дно

Кога не го мешате оризот, може да загори, па затоа, користете тенџере со дебело дно.

Додајте масло

Додајте малку масло во оризот за да спречите зрната да се залепат едни со други. Може да користите и путер, во зависност од тоа што приготвувате.

При крај од готвењето, ставете крпа под капакот

Ставете кујнска крпа под капакот за да ја впие кондензацијата и да спречите оризот да стане кашест.

Штом ќе се свари оризот, оставете го 15 минути пред да го сервирате

Пред да го сервирате за јадење, почекајте барем петнаесетина минути.

Оставете го да стои понастрана од оган, со цел влагата да се прераспредели низ оризот и да стане поконзистентен.

Кафеавиот ориз ставете го во врела вода

Кафеавиот ориз може да го готвите и како тестенини, во врела вода.

Откако ќе омекне, исцедете го и оставете го во покриено тенџере околу десетина минути.

Знаете ли вие и други трикови за подготвување совршен ориз? Споделете ги!

М. Ѓ. | Црнобело / фото: freepik.com