Праскa или нектаринa - која е поздрава и која содржи повеќе калории и шеќери?

Нектарините се разликуваат од класичните праски по неколку нешта: едните содржат повеќе шеќери и калории, а во другите има повеќе витамини и минерали.

Праската е овошје без кое не може да се замисли летото, иако многумина не можат да ја поднесат текстурата на самата лушпа поради ситните „влакненца“, па ги одбираат нектарините, кои не се разликуваат многу од класичните праски.

Нектарините се всушност вид праски, кои иако имаат сличен изглед и нутритивен профил, помали се од класичните праски и имаат помека внатрешност.

Постојат и неколку разлики помеѓу нектарините и класичните праски, еве кои се тие:

Праски

Името потекнува од латинскиот избор „prunus persica“.

Ова овошје може да расте во различни клими, кои се движат од тропска до умерена, и има три вида:

freestone - лушпата многу лесно се одвојува од зрелото месо;

clingstone - лушпата е цврсто споена со месото;

semi-freestone - хибрид од овие два вида.

Месото на класичните праски може да биде бело или жолто, додека нивната лушпа е груба и покриена со мали „влакненца“.

Нектарини

Мазните праски или нектарините од генетска перспектива се идентични со класичните праски, но можат да имаат три вида, во зависност од тоа колку лесно или тешко се отстранува лушпата и каква е нивната внатрешност.

Што е поздраво - класичната праска или нектарината?

И двата вида имаат импресивни нутритивни вредности.

Во една нектарина има 55 калории, а во обичната праска има 63.

Класичната праска содржи 1,4 грама протеини, 15 грама јаглехидрати и 2,3 грама влакна, додека нектарината има 1,5 грама протеини, 13 грама јаглехидрати и 2,1 грама влакна.

Што се однесува до шеќерите, во една обична праска има 12,6 грама шеќер, а во нектарината 11 грама, додека количината на масти им е иста - 0,4 грама.

Во една нектарина има 5% на витамин Ц, а обичната праска има 7% од препорачаниот дневен внес на овој витамин.

Сѐ на сѐ, обичните праски имаат малку повеќе калории, јаглехидрати и шеќер. 

И двата вида се богати со шеќери, влакна и имаат мала количина на микронутриенти како витамини и минерали.

Затоа, одговорот на прашањето кој вид е поздрав не е лесно да се даде бидејќи се работи горе-долу за истото овошје, а не постои ниту релевантна студија која официјално би прогласила кој од двата вида е покорисен за организмот. 

С. Ш. | Црнобело / фото: pixabay.com