Кулинарски трикови заради кои сите ќе мислат дека сте професионален готвач

Дајте му време на месото

Кога приготвувате месо, имајте предвид дека тој процес ќе трае.

Испланирајте дека месото треба да се маринира, да се пече на тивка температура и на крај откако ќе се извади, да се остави да одмори барем половина од времето колку што се печело.

Ако месото се печело 2 часа, тогаш планирајте дека е потребно барем 1 час да остои (може да биде прекриено и со алуминиумска фолија).

Како да подготвите воздушест омлет?

За да подготвите воздушест омлет како од ресторан (а не кајгана) потребно е да почекате маслото добро да се загрее, да ги пржите околу 1 минута на најсилно, па да ја намалите температурата, па потоа откако ќе ги превртите да ги пржите пак на најсилно.

Сосови

За да добиете највкусен сос за тестенини, наместо обична, потребно е да му ја додадете водата во која се вареле тестенините.

Какао за печење

Ако печете пандишпан за чоколадна торта, наместо со брашно плехот можете да го обложите со какао. На овој начин ќе избегнете тортата да биде бела во долниот дел.

Даската за готвење се мие веднаш

Кога готвите пилешко месо, даската за готвење веднаш треба да ја попарите со врела вода и да ја измиете. На овој начин веднаш ќе ја дезинфицирате работната површина што ви е неопходна за приготвување голем број јадења.

Б. С. Б. | Црнобело