Храна богата со колаген + намирници што го поттикнуваат неговото создавање во организмот

Пилешкото месо содржи колаген, а постојат и продукти од растително потекло кои го поттикнуваат неговото создавање во организмот, па се добри за вегани и вегетаријанци.

Колагенот е вид протеин кој е најзастапен во нашето тело – 30% од протеините во организмот се колаген.

Овој протеин е клучен за здравјето на кожата, мускулите, коските, но и сите сврзни ткива.

Кога станува збор за кожата, колагенот е важен за нејзината еластичност, како и за создавањето на новите кожни клетки.

Со возраста, нивото на колаген во организмот се намалува, па се верува дека суплементите со овој протеин можат да го забават стареењето.

Додека се потребни дополнителни истражувања за ефикасноста на овие суплементи, храната богата со колаген може да биде од помош.

Постојат и намирници кои го поттикнуваат лачењето колаген кои се добри за вегани, бидејќи колагенот го има само во продукти од животинско потекло.

Храна богата со колаген и која го поттикнува неговото лачење

Супа од коски

Супата со коски има колаген, но за разлика од останатите намирници на листата, не прави многу голема разлика.

Сепак, ако сакате да ја пробате како извор на колаген, препорачливо е да ја правите сами, користејќи квалитетни и свежи состојки.

Пилешко месо

Пилешкото месо е богат извор на колаген.

Но, нивото на колаген варира во зависност од местото – на пример, копаните имаат повеќе колаген отколку пилешките гради.

Риба

Анализа на истражувања покажала дека колагенот од риба е веројатно најкорисен за здравјето и еластичноста на кожата.

Белки од јајца

Во јајцата нема колаген, но затоа, пак, имаат високо количество пролин – една од аминокиселините кои се потребни за создавање колаген.

Цитрусно овошје

Витаминот Ц има важна улога во синтетизирањето колаген, па цитрусното овошје е идеално за вегани и вегетаријанци.

Бобинки

И бобинките, како јагоди и малини, се богати со витамин Ц.

Продолжува на следната страница...