Најчести грешки кои сите ги правиме во кујна, а мора да се одвикнеме од нив

Речиси сите се придржуваме до правилото дека без измиени раце не смее да почнеме подготовка на јадење. Но, постојат уште неколку работи кон кои треба да се придржуваме, а го правиме спротивното.

Еве кои навики во кујната треба да ги прекинете уште денес:

1. Го миете пилешкото пред подготовка

Стручњаците не препорачуваат миење на пилешкото месо. Како што тие тврдат, со миењето на пилешкото во мијалникот пред термичката обработка, ширите потенцијално опасни состојки кои се наоѓаат во него. Исто така важно е добро да ги измиете даската, ножот и површината на која сте го сечеле месото.

2. Откако ќе ја исечете, храната не ја ставате во фрижидер

Исеченото овошје и зеленчук побрзо се расипува, па затоа ако не го јадете веднаш, ставете го во фрижидер. Во никој случај не го враќајте во садот каде ги чувате останатите плодови.

3. Погрешно ја замрзнувате храната

Замрзнатата храна би требало да биде цврсто залепена и да не пропушта воздух за да не се шират непријатни мириси, но и кристалите мраз да не го расипат вкусот.

4. Храната не ја варите и печете доволно долго

Професионалните готвачи знаат да проценат кога месото е готово на допир, мирис или изглед. Но, во домашни услови се препорачува користење на кујнски термометар. По секоја употреба темелно измијте го.

5. Ја оставате храната на собна температура

Храната не смее да седи на собна температура подолго од 2 часа, запаметете го тоа.