Како колачињата да останат свежи и по Нова година?

По славењето на Нова година, на празничните трпези најчесто остануваат големи количини храна која сакаме да ја сочуваме, но не знаеме како.

За да не ги фрлите колачињата кои со часови ги печевте или декорирате, обидете се да ги сочувате малку подолго со овие 4 совети:

1. Крцкавите колачиња не поднесуваат влага и влажна околина, заради која најчесто стануваат меки и ја губат крцкавоста. Се препорачува да ги чувате херметички затворени во еден сад, но во садот никако не смее да ги ставате топли, туку целосно оладени.

2. Колачињата од лиснато тесто е најдобро да ги замрзнете. Пред да ги замрзнете оставете ги во фрижидер околу половина час, па тогаш префрлете ги на пониска температура. На овој начин ќе ја сочувате мекоста на тестото.

3. Ако сакате да ги сочувате остатоците од пандишпан или куглоф, најдобро е да ги чувате во сад во кој ќе ставите половина јаболко или парче леб. Овие намирници подолго ги чуваат меките колачи свежи и сочни.

4. Кремастите колачиња не е препорачливо да ги чувате во фрижидер подолго од 3 дена. После тие 3 дена најдобро е да ги замрзнете покриени со мрсна хартија и да ги наредите во пластичен сад. Одмрзнете ги најмалку 3 часа пред да ги послужите.