Како да дознаете дали ракијата што ја купувате е навистина домашна?

Македонската трпеза не е целосна ако на неа не се наоѓа едно бокалче со ракија, но секако совршено би било кога би знаеле дека пијалакот е навистина 100% домашен.

Ракијата е пијалак со висок процент на алкохол (60-70%), а се произведува со процес на дестилација на младо вино добиено од различни видови овошје.

Кај нас најчесто се произведува од грозје, а најдобро е да се пие наутро пред јадење, бидејќи го подобрува варењето на храната.

Па ако до сега редовно купувате ракија од ист производител, а не сте сигурни дали е 100% домашна, постои едноставен и брз начин за проверка: 

Наполнете 1 чашка ракија и во неа додајте 1 прст прашок за перење облека. Оставете ја чашката со ракија да постои 10 - 15 минути и погледнете ја ракијата:

- Доколку ракијата ја сменила својата боја и започнала да добива некоја црвена нијанса, која сѐ повеќе потемнува, тогаш ракијата е вештачка. Односно, во неа има додатоци како шпиритус и вода.

- Доколку бојата на ракијата е истата и не е воопшто променета, тогаш можете да бидете сигурни дека таа е 100% домашна без никакви додатоци.