Што да направите ако се прејадете?

На сите им се случува некогаш да се прејадат, понекогаш дури и на оние кои најмногу внимаваат. Некогаш сте толку гладни, што не знаете за доста и јадете до последната трошка во чинијата.

Но, штом ќе завршите со јадењето веќе почнувате да чувствувате и мачнина и грижа на совест. Посебно тоа е изразено ако сте на некоја диета.

Постојат начини како да ги ублажите последиците во првите неколку часа и така да направите голема разлика.

1. Опуштете се

Непотребниот стрес нема да ви помогне. Кажете си себеси дека утре е нов ден и ќе почнете одново со нешто свежо. Запомнете: Еден лош ден и многу калории, нема да ви ја уништат целата диета.

2. Напијте се вода

Наједноставен начин за детоксикација е водата. Ве ослободува од токсините и вишокот соли поради кои се чувствувате подуено. Ако сте правилно хидрирани, метаболизмот ќе ви работи побрзо. По големиот оброк пијте многу вода која има собна температура, бидејќи ако е многу студена може да ви го забави системот за варење.

3. Прошетајте

Ќе се чувствувате многу подобро ако се движите, колку и да звучи тоа грозно. Плус ќе го забрзате варењето, а со тоа и чистењето на храната од желудникот.

4. Отспијте

Кога ќе сфатите дека сте претерале, време е да застанете и да ги избегнете дополнителните искушенија. Измијте ги забите и легнете си порано. Ако претерате со јадење навечер, треба да имате барем 7 часа сон.