Како да го исечете компирот за да биде повкусен?

Компирот на многумина им е едно од омилените јадења, без разлика во каква форма се консумира. Тој може да се подготви и како додаток на некое друго јадење, но и како главно јадење.

Секогаш постојат нови рецепти и нови начини за тоа како да го подготвите или зачините за уште повеќе да му го подобрите вкусот.

Ова е еден од рецептите за да го добиете највкусниот компир кој сте го пробале досега:

Тајната е во сечењето. Исечете го компирот на 20 тенки резанки, но не ги сечете до крај, туку нека останат во истата целина, како формата на компирот.

Во една чинија измешајте путер и масло, па премачкајте го компирот и по желба посолете го.

Ставете го во претходно загреана рерна на 250 степени и печете го околу 30 минути.

Потоа повторно премачкајте го со мешавината од путер и масло и вратете го во рерна да се пече уште 45 минути.

Подобро е да направите неколку вакви компири истовремено, бидејќи нема да се задоволите само со еден.