Како да им дадете вкус на вештачки созреаните јагоди?

Пролетта е сезона на јагодите, но понекогаш многу е тешко да ги најдете оние сочните и црвени плодови кои можат да се јадат без никакви слатки додатоци.

Ако и вие се најдете во замката на предвремено вештачки созреаните јагоди, најдобар начин да им дадете вкус и арома е следниов:

Земете 450g свежи јагоди, 50g шеќер и 1 лажица ванила екстракт.

Измијте ги јагодите, отстранете го зелениот дел и исечете ги на половина.

Добро промешајте ги со шеќерот и ванилата, па потоа распредете ги на една тава за печење на која ќе ставите мрсна хартија. Важно е плодовите да не се допираат.

Печете ги во загреана рерна на 175 степени околу 20-25 минути.

Ваквата термичка обработка не го уништува обликот на јагодите, а го поттикнува испуштањето на природни сокови кои во комбинација со шеќер и ванила стануваат неодоливи.

Вака подготвените јагоди можете да ги додадете во житарките, овесните каши, печените чоколадни торти или да ги послужите со пудинг во чаша.