Храна која ќе ви помогне совршено да потемните

Освен стандардните креми и масла за сончање кои го поттикнуваат потемнувањето на кожата, овој процес може да го забрзате и по природен пат.

Со тоа што го поттикнуваат произведувањето меланин и пигмент, овие намирници ќе ви бидат најдобри сојузници на совршениот тен:

Морков, кајсии и сладок компир

Овошјето и зеленчуците со портокалова боја се богати со бетакаротен и витамин А, кои штитат од опасните UVA и UVB зраци и го поттикнуваат призведувањето на меланин. Колку произведувањето на меланин е поголемо, толку кожата е потемна.

Спанаќ и кељ

Зелениот лиснат зеленчук го има истиот ефект како портокаловото овошје и е богат со бетакаротен. Овој зеленчук е идеален за луѓето со посветла кожа.

Белки

На потемнувањето на кожата влијае и тирозинот, аминокиселина која се наоѓа во повеќето креми за самопотемнување. Најмногу тирозин има во сојата, белките и алгата спирулина.

Риба, бадеми и зачини

Рибофлавинот, баш како и тирозинот е честа состојка во кремите за самопотемнување, а најдобри извори се бадемите, скушата, лососот и пастрмката, како и сушени зачини како пиперка и коријандер.

Домати

Доматите се богати со каротеноиди кои успешно ја потемнуваат кожата, додека ликопенот во нив ја враќа еластичноста и ги намалува воспаленијата од штетните UV зраци.