Историја на вегетеријанството: Кои се мотивите, предностите и недостатоците ако станете вегетаријанец?

Вегетеријанството е познато како систем на исхрана уште од античките времиња, особено во Индија, каде било дел од религиозната практика, а се нарекувало Ahimsa (не-насилство).

Денес околу 30% од Индијците не јадат месо. Во Европа го промовирал грчкиот филозоф Питагора во 6-от век п.н.е.

Тој, како и неговите следбеници, практикувале вегетаријанска исхрана од етички причини. Од Индија вегетеријанството доаѓа во Европа, благодарение на Британците после колонизацијата. Во Лондон во 1847 година се формира првото вегетаријанско општество.

Мотивите за вегетаријанството се различни; избегнување на нанесување болка на животни, религиозната практика, грижа за сопственото здравје, Њу Ејџ филозофија и др. Во многу религии се забранува одземање на живот на животните, како во хиндуизмот, будизмот, таоизмот, сикизмот, џаинизам, суфизмот.

Хиндусите веруваат дека храната има личност. Месото претставува агресија и ментална состојба позната како "rajas", додека зеленчукот е познат како ментална состојба на мир наречена "satva".

Вегетаријанците се поделени во неколку типови:

Вегани – најрадикалната група која целосно ги избегнува производите од животинско потекло, вклучувајќи ја и облеката и обувките од животинско потекло, како и сите хемиски производи тестирани врз животните.

Ово-лакто-вегетаријанци - покрај растителните продукти, консумираат и јајца, млеко и млечни производи.

Лакто-вегетаријанци - консумираат растителни, млеко и млечни производи, но ги исфрлaат од исхраната јајцата.

„Сирови“ вегани – консумираат само свежи и неготвени зеленчуци, овошни плодови, јаткасто овошје, мешунки, семиња, житарки, билки, растителни масла и свежи сокови.

Во 19 и 20 век, научниците ги истражувале здравствени придобивки на овој вид на исхрана. Сепак, и покрај тоа што постојат научни докази за корисните ефекти на оваа диета врз здравјето на луѓето, вегетаријанството се уште се маргинализира.

Кон крајот на седумдесеттите години на дваесеттиот век, вегетаријанството се сметало за субкултура и храна која ја конзумирале хипиците и религиозните фанатици.

Придобивките на вегетаријанството

Благодарение на ниски вредности на масти вегетаријанците имаат пониска просечна телесна тежина и помала веројатност да развијат дијабетес тип 2.

Недостатоците на вегетаријанството

Некои растенија немаат многу есенцијални амино киселини кои му се потребни на телото. Избегнувањето на риба може да доведе до недостаток на омега-3 масни киселини, кои се одговорни за превенција од кардиоваскуларни болести. Овој недостаток може да се надомести со консумирање на лешници, бадеми и ф'стаци.

Избегнување на производи од животинско потекло може да предизвика недостаток на витамин Б-12, кој е важен во изградбата на нервните клетки и железото, чиј недостаток предизвикува анемија.

М. А. | Црнобело