Не се изгладнувајте: Совети кои ќе ви ја намалат желбата за нездрава храна

Дали често посакувате забранета храна додека се обидувате да ослабете? Дури и оние најпосветените на диетата ја чувствуваат привлечноста на храната од фрижидерот и во него бараат нешто со што би ја задоволиле својата желба.

Со самото тоа што нема да посегнете по храна за време на процесот на слабеење не само што губите килограми, туку и ја намалувате желбата за изразено мрсна, слатка и солена храна.

1. Одбирајте храна со низок гликемиски индекс

Храната со низок гликемиски индекс побавно се вари и разградува, па со самото тоа предизвикува помал раст на нивоата на глукоза и инсулин во крвта. Ваквата храна ќе ви помогне да се чувствувате сити после јадење и ќе го намалите ризикот од трупање на непотребни килограми. Најдобро е секој ден да јадете 5 помали оброци кои вклучуваат барем 2 овошја и порција цели житарки. Така, организмот ќе го добие сето она што му е потребно и нема да копнее по нездрави продукти.

2. Јадете домашно приготвена храна, дури и на работа

Ако посакувате пица или хамбургер, направите своја здрава домашна верзија и понесете ја со вас на работа. Припремете домашни плескавици и направете хамбургер од интегрално печиво со многу зеленчук. Добра идеја е и рибата со компири – рибата печена на скара, а компирот во рерна со неколку капки маслиново масло. Ваквата здрава храна ќе ја потисне желбата за нездраво јадење.

3. Хранете се разновидно

Строгите и рестриктивни режими на исхрана често се нутритивно неодржливи и го зголемуваат ризикот од јадење нездрави намирници.  Најдобро е ништо да не си забранувате и да комбинирате барем 20 различни продукти секој ден – така што во еден ден ќе добиете цело богатство од вкусови.

 

4. Паметно распоредете ги оброците

Делот од оброкот со најмногу калории ставете го во средина, а оние производи кои изобилуваат со влакна и протеини ставете ги на почеток и на крај., Најдобро е да започнете со лесна супа, потоа да јадете некое покалорично јадење и да го завршите ручекот со салата. Ако така го распоредите оброкот, ќе имате чувство дека сте изеле многу поради нивоата на храна и едноставно нема да посакувате друго јадење.

5. Не го прескокнувајте појадокот

Појадокот е најважниот оброк од денот. Наутро јадете овесна каша или тврдо варени јајца со црн `ржан леб. Луѓето кои го прескокнуваат појадокот најмногу посакуваат слатки грицки за време на денот затоа што појадокот е оброкот кој најмногу треба да ве штити од тоа. Па ако го прескокнете, тогаш целиот ден можете да го поминете грицкајќи нездрава храна. 

С. С. | Црнобело