4 факти кои треба да ги знаете за протеините

Исхраната богата со протеини се препорачува во сите експертски кругови затоа што, за правилна исхрана потребно е да бидат балансирани и јаглехидратите и протеините и мастите.

Што треба да знаете за протеините?

1. Протеините се неопходни

Можеби сте се одлучиле за вегетаријански начин на исхрана, но тоа не значи дека треба да ги исфрлите протеините.

Напротив, треба да најдете замена за истите, односно да консумирате повеќе протеини од растително потекло.

Нутриционистите се едногласни, протеините се неопходни за здрав и квалитетен начин на живот.

2. Протеините и белковините се едно исто

Протеините и белковините се два различни називи со исто значење - тие се есенцијални елементи потребни за раст и регенерација на организмот.

Покрај водата, протеините се најраспространетите молекули во нашиот организам.

3. На кого му се потребни протеините?

Кратко кажано, на сите. Најчест мит е дека протеините им се потребни повеќе на спортистите и атлетичарите, но истите се подеднакво важни за сите луѓе.

4. Колкава количина на протеини ви се потребни?

Правилната и урамнотежена исхрана подразбира внесување на 20 до 30 проценти протеини, 30 до 35 проценти масти и околу 40 проценти јаглехидрати.

Иако индивидуалните потреби се разликуваат, EFSA (European Food Safety Agency) препорачува да внесувате 0,83g протеини на килограм телесна маса.

Н. Г. | Црнобело