Замрзнете го млекото, превртете ги павлаките: Трикови со кои храната подолго останува свежа

Секој од нас сака да го извлече максимумот од храната. Ова се однесува и на здравите и хранливи вредности, но и на рокот на траење.

За подолго да останат „како нови“, практикувајте ги овие трикови за чување на храната:

1. Замрзнете го млекото ако сакате да издржи неколку недели плус

Само важно е да оставите простор во шишето или пакувањето (да не биде полно до врв), бидејќи течноста ќе се рашири кога ќе се замрзне.

2. Замрзнете ги јајцата во модли за мраз

Може да додадете неколку зрна сол или шеќер да им ја сочувате текстурата.

3. Чувајте ги сосовите во вакумирани кеси

И замрзнете ги, меѓутоа претходно поделете ги во порции, односно во правоаголничиња како на сликата.

4. Марулата останува подолго свежа ако ја замотате во хартија

5. Јаболката ќе издржат подолго ако ги чувате во фрижидер.

Ако ги замотате во хартија, тоа е дополнителна превенција против расипување на секој плод поединечно.

6. Морковите чувајте ги во ориз или песок

На овој начин спречувате влажноста да го оштети плодот.

7. Павлаките спакувани во пластични, превртете ги наопаку

Вака ќе издржат двојно подолго свежи. Секако, треба да се добро вакумирани и неотворени.

8. Младиот кромид и лук ќе издржи подолго ако го ставите во чаша со вода

9. Свежите зачини и салати најдобро се чуваат во тегла

10. Медот е најдобро да се чува во стаклена тегла

Никогаш не го чувајте во метални садови и не црпете со метални лажички. Користете стаклени тегли и дрвени лажици.

М. Д. | Црнобело