9 начини како да ги спасите уништените јадења

Дури и оние највештите во кујната знаат понекогаш да погрешат, но тоа не значи дека работите не можат да се поправат.

9 трикови за да го подобрите вкусот на јадењата кои се чини дека сте ги утнале:

Пресолена супа

Не додавајте вода, работите нема да излезат како што сакате. Или додадете несолен буљон или ако рецептот дозволува ставете ориз или тестенини.

Премногу лута храна

Да го ублажите лутенилото можете да додадете или шеќер или некаков млечен производ или лимонов сок.

Сушен црн дроб

Ако црниот дроб додека сте го печеле или пржеле, премногу сте го исушиле, додадете малку кисела павлака и варете го околу 15 до 20 минути.

Премногу течно пире

Ако пирето е премногу течно или додадете малку густин или варете го на тивко неколку минути.

Пудинг со грутки

Ако пудингот премногу брзо се зацврсти и се направија грутки само процедете ги.

Залепена торта

Ако тортата е залепена на тавата за печење без да ја оштетите или ставете студена крпа на неа или малку топла вода на долниот дел од тавата.

Претечна кремаста супа

Ако кремастата супа е премногу течна додадете или малку варен ориз или мешунки и пасирајте ги.

Изгорено дно на каша или други јадења

Ако храната гори, извадете го неизгорениот дел, ставете го во друг сад, додадете малку млеко и сол и готови сте.

Премногу течен сос

Додадете малку густин и продолжете да мешате додека не добиете соодветна густина или ставете го сосот во рерна и почекајте водата да испари.

Н. Г. | Црнобело