Зошто не треба да ги фрлате ливчињата на јагодите?

Сите мислат дека секое овошје има дел од него што не треба да го јадеме: семки од лубеница, лушпа од јаболко, кора од портокал, лушпа од банана, ливчиња од јагода и уште многу други...

Но, посебно љубителите на јагоди треба да го знаат ова – ливчињата од јагодата, не само што се безбедни за јадење, туку се здрави и вкусни.

Сепак, доколку ви е чудно да ги јадете цели, не мора да ги фрлате, туку искористете ги на друг начин.

Еве неколку идеи:

Изблендирајте ги во смути

Ставете ги цели јагоди и направете си смути со екстра витамини. Ливчињата содржат танин, што помага во варењето на храната.

 

Збогатете ја водата

Наместо да ги фрлате ливчињата, ставете неколку цели јагоди во вода и оставете да отстојат. Освежителниот овошен вкус ќе ви помогне да ја испиете потребната количина во текот денот за да останете хидрирани.

Додадете вкус на јагода во омилениот пијалак

Направете го алкохолот уште подобар со додавање вкус на јагода. Ставете неколку јагоди во омилениот пијалак (вотка, џин или рум) и оставете да отстои. Резултатот е сладок пијалак со розова боја!

 

Нов вкус на салатите

Барате здрава алтернатива за дресинг во салатата? Ставете ги врвовите од јагодите да отстојат 1 час во оцет и ќе имате свежа салата со лесен вкус на јагода. Би пробале?

М. М. | Црнобело