Зошто лубеницата не треба да ја чувате во фрижидер?

Неодамнешно истражување покажа дека сите ние кои обожаваме ладна лубеница директно од фрижидер, правиме голема грешка.

Како што се наведува, лубеницата треба да се чува на собна температура, за да ги задржи сите хранливи состојки кои ги има. Кога е ладна, ги губи повеќето витамини и хранливи материи.

Уште една работа која е откриена е дека лубеницата продолжува да произведува витамини и хранливи материи и откако е набрана, но повторно – само ако е на собна температура.

Кога ќе ја ставиме во фрижидер, тој процес значително се намалува.

Во склопот на истражувањето, неколку лубеници биле оставени на 21, 12 и 5 степени и се испоставило дека оние кои се чувани на 21 степен, имаат 40% повеќе ликопен и од 50 до 139% повеќе бета каротен.

М. Д. | Црнобело