Храна која не треба да ја „мезите“ кога пиете жесток алкохол

Постојат многу правила за тоа која храна одговара со кој алкохол, но до ден денес сите правиме по некоја грешка која ни го дуе стомакот или ни го влошува мамурлакот.

Па, следен пат кога ќе пиете жесток алкохол, избегнувајте вакви мезиња:

1. Колачиња и торти

Високиот процент на шеќер кој се врзува со алкохолот може да ви предизвика многу лош мамурлак, бидејќи телото во поголем процент ќе ги впие токсините од алкохолот.

2. Чоколадо

Чоколадото во комбинација со алкохолот негативно влијае на здравјето на панкреасот и може да предизвика грчеви во стомакот.

3. Свежи домати

Свежите домати во комбинација со жесток алкохол придонесуваат за дуење на стомакот.

4. Мрсно пржено месо

Уште една комбинација која негативно влијае на панкреасот – масти и алкохол.

5. Зачинета храна

Зачините го појачуваат ефектот на алкохолот, па многу лесно може да се појават киселини и непријатности во стомакот и желудникот.

6. Кисели краставички

Високиот процент на сол и киселост ја отежнуваат работата на бубрезите и црниот дроб, кои веќе доволно се „изгорени“ од жестокиот алкохол.

7. Грозје, лубеница, диња

Односно, овошјата со висок процент на природен шеќер делуваат идентично како и тортите и колачите – телото побрзо го впива алкохолот, па мамурлакот не е полесен.

М. Д. | Црнобело