Нарачувајте први во ресторан: Трикови за полесно менување на навиките во исхраната

На многу од нас ни се промени во навиките и начинот на исхрана, но мора да признаеме дека е многу тешко да се почне првиот чекор.

Секогаш го одложуваме за следниот понеделник и никако да се натераме да го направиме тоа.

Но, психолозите советуваат, за да ни биде полесно, да го правиме тоа постепено и да го поделиме процесот на делови.

Неколку трикови за да успеете во тоа:

Нарачувајте први

Кога сте излезени заедно со пријатели на ручек, многу е тешко да нарачате салата ако сите пред вас нарачаат бургери, пици и друга вкусна, но нездрава храна.

Затоа, нарачувајте секогаш први. Така, или и тие по вас ќе нарачаат здрав оброк или ќе ви биде непријатно да се предомислите, па ќе си останете со салата или друга храна која не влијае лошо.

Помалку сол, повеќе зачини

Освен што солта не е здрава во големи количини, понекогаш знае дури и да и даде лош вкус на храната ако во неа има само сол (многу).

Затоа, секогаш комбинирајте повеќе различни зачини, суви билки и ќе добиете многу поубав вкус, а некои од нив одлично влијаат на организмот и метаболизмот.

Барајте го сосот одвоено

Готовите сосови во рестораните не секогаш се добри и често содржат големи количини на шеќери, сол, засладувачи и други работи кои не се погодни за здрава исхрана.

Затоа секогаш барајте сосот да ви го донесат посебно, па ако одлучите да го ставите во јадењето, ставете помала количина.

Почнете со зеленчук

Зеленчукот се вари побрзо, плус ќе се чувствувате заситено после поголема порција и нема да имате потреба од големи количини со другата храна.

Не се прекинувајте додека јадете

Многу често, додека јадеме и гледаме телевизија или седиме на телефон, не погледнуваме во чинијата и се случува да изедеме повеќе од планираното.

Плус, јадеме механички и не го ни чувствуваме вкусот на храната.

Користете го правилото на 20 минути

Не јадете и не пијте ништо 20 минути после главниот оброк, бидејќи така ќе го забавите процесот на варење, а и гладот во првите 20 минути не е вистински. Ако после тие 20 минути сте гладни, време е за десерт или чај.

Купувајте здрави намирници

Секогаш купувајте однапред повеќе здрави намирници и не дозволувајте да снемате од нив, бидејќи така може да паднете во искушение, да нарачате брза храна и сл.

М. М. | Црнобело