Како правилно да ја чувате храната за да не ви се расипува брзо?

Аспарагусот и билките чувајте ги како букет наместо во кеса

Аспарагусот и другите билки како магдонос или нане најдобро е да се чуваат во сад со малку вода.

Не ги мијте пред да ги ставите во фрижидер, туку пред да ги искористите за готвење.

Пред да ги ставите свежите јагоди во фрижидер, ставете ги во вода со оцет

Оцетот лесно ќе ги отстрани штетните микроби и мувлата. Исплакнете ги јагодите со вода, а потоа измешајте оцет со вода во сооднос 1:10 и оставете ги кратко да отстојат.

Потоа исплакнете ги повторно со вода и оставете да се исушат.

Не ги чувајте печурките во пластични кеси

Во пластични кеси, печурките многу побрзо се расипуваат од влагата, а хартиените кеси го собираат вишокот влага, па така е најдобро да ги чувате за да останат свежи.

Сепак, не може предолго да останат свежи, па не ги чувајте предолго пред да ги подготвите.

За да не се исушат колачињата, ставете јаболко во нив

Интересен начин да ги заштитите колачињата од сушење е да ставите парче јаболко во садот во кој ги чувате и тие ќе останат меки подолго.

Ако мислите дека од јаболкото колачињата стануваат превлажни, тргнете го и ставете парче леб што ќе ја апсорбира влагата.  

М. М. | Црнобело