План за после прејадување: Никако не го прескокнувајте следниот оброк

На сите ни се случило да се прејадеме и потоа да имаме огромно чувство на вина поради тоа.

Во ваква ситуација најлошо е тоа чувство на вина да го „разрешиме“ со тоа што ќе прескокнеме оброк. Но, секој нутриционист би се согласил дека прескокнувањето на оброци е големо „не“ во нивната работа.

Што тие би ве советувале во ваква ситуација?

Дури и едно прејадување е доволно да ве измести од вашиот зацртан пат, било да е тоа диета или план за здрава исхрана. Она што секој нутриционист би ви го кажал е да продолжите таму каде запревте.

Значи, не се обвинувајте премногу, но и не продолжувајте со старите навики, само затоа што еднаш погрешивте.

Како да го направите тоа?

Доволни се само четири чекори за надминување на оваа ситуација и тоа:

1.Не се казнувајте со прескокнување оброци, ниту со поинтензивно вежбање.

2.Вежбајте и посветете се на вообичаените активности.

3.Проценете каде скршнавте и потрудете се веднаш да се вратите на планот за здрава исхрана.

4.Ако сакате да разговарате со некого за тоа, разговарајте.

Во ситуација на прејадување, простувањето на себе е најдоброто нешто што можете да си го дозволите. Не бидете престроги кон себе и надминете ја ситуацијата. Само така лесно ќе се вратите на зацртаниот план.

Е. Д. | Црнобело