Намирници кои се претвораат во чист отров ако ги подгревате откако еднаш се зготвени

Често ви останува малку од вчерашниот ручек или вечера, но никогаш не сте сигурни дали да ги згреете остатоците, дали да ги ставите во фрижидер или да ги фрлите?

Иако ви е повеќе од јасно дека не е убаво да се фрла храна, особено кога има толку многу гладни луѓе низ светот, добро е да знаете и дека не треба да зачувувате некои намирници по секоја цена.

Подгревањето на одредени видови храна не само што ги уништува хранливите состојки, туку може да ги претвори и во чист отров за вашиот организам.

Варен ориз

Варениот ориз лесно може да се претвори во подлога за бактерии, поради содржината на скроб. Доколку ви остане, веднаш ставете го во сад, затворете добро и чувајте во фрижидер најдоцна до вечерата.

Но, имајте предвид дека при загревање може да ги промени вкусот и структурата, а во него нема да остане ништо хранливо. Затоа, користете го ладен, како додаток во салата или прилог на друго јадење.

Компири

Слично како и оризот, така и варениот компир е идеална подлога за развој на бактерии. Ова можете да го избегнете доколку завиткан во фолија го чувате во фрижидер, најдоцна до ручекот следниот ден.

Потоа, скробот се разложува, се губат хранливите состојки, а ако го подгревате ќе добиете безлична маса без вкус, која под дејство на топлината може да ослободи помала количина токсични материи.

Кромид, целер и цвекло

При загревање, овие продукти испуштаат нитрати, кои се испуштаат во сè поголеми и поголеми количини при секое загревање. Затоа, доколку јадете некоја супа која ги содржи, загрејте ја само потребната количина.

Јајца

Без разлика како се подготвени, јајцата никако не смеат да се загреваат. Причина за тоа се протеините кои при повторно изложување на топлината ја менуваат структурата и стануваат тешко сварливи за нашиот дигестивен систем.

Пилешко месо

Како и јајцата, така и пилешкото содржи протеини. Отежнувачка околност во овој случај е што се работи за месо, кое е потешко сварливо отколку јајцата, па може да предизвика сериозни стомачни тегоби.

Доколку ви остане парче пилешко, чувајте го во фрижидер, за да избегнете труење со салмонела. Секогаш е подобар избор да јадете ладно пилешко, отколку загреано, кое е потенцијално отровно.

Масла и маснотии

Постојат масла кои се наменети за готвење, а постојат и такви кои се користат како зачини и додатоци во оброците. Сите имаат различна точка на разложување при топлина. Маслата за готвење користете ги само еднаш.

Печурки

Штом еднаш се зготвени, треба да се изедат или доколку останат, да се чуваат во фрижидер, но не подолго од еден ден. На собна температура испуштаат отрови и може да предизвикаат тешки труења поради кои ќе завршите во болница.

Е. Д. | Црнобело