Започна големиот Велигденски пост - правила кои мора да ги следите доколку постите

На 23 февруари 2026 започна големиот Велигденски пост, најдолгиот од четирите големи во православната вера.

Трае точно 48 дена и важи за најстрогиот пост во годината, бидејќи се пости на вода, со исклучок на викендите, освен кога се работи за Голема сабота, ден пред Велигден.

Постот не е само откажување од мрсната храна, туку најважно е да се работи и на воздржување од лоши мисли и дела, со кои ќе успеете да ги победите телесните страсти со духовна сила.

Важно е храната да се подготвува на вода, посебно во среда и петок.

Виното и маслото се дозволени само во сабота и недела, како и на деновите кога има ублажување на постот заради големи празници - 12 март (четврток), 25 март (среда), 7 април (вторник), 9 април (четврток).

Не е дозволено консумирање на месо, јајца, сирење, млеко и сите млечни производи.

Рибата во текот на велигденскиот пост може да се консумира само на Цветници - 5 април (недела).

Целта на овој пост е најголемиот христијански празник да се дочека во мир и тишина.

Прочитајте и 3 рецепти со кои може да почнете да постите, без грам масло.

М. Д. | Црнобело