Која е разликата помеѓу бел и кафеав шеќер (и кој е поздрав)?

Луѓето често веруваат дека кафеавата храна е поздрава од белата, на пример, кога станува збор за леб или ориз. Истото мислење го делат и кога станува збор за шеќер. Така, многумина веруваат дека кафеавиот шеќер е поздрав од белиот, но дали е ова вистина или само уште еден мит?

Кафеавиот шеќер е помалку обработен од белиот шеќер.

За производство на обичен, бел шеќер, сокот од шеќерната трска најпрво се вари, а потоа се филтрира за да формира кристали. Во целиот овој процес се добива и супстанца позната како меласа која има кафеава боја.

Белиот шеќер е подложен на понатамошна обработка за да се отстрани меласата/

Едноставно кажано, кафеавиот шеќер е бел шеќер кој не го поминал целиот процес на рафинирање, па ја задржува бојата од меласата.

Двата вида шеќери содржат речиси иста хранлива вредност.

Поради тоа што е помалку обработен, кафеавиот шеќер содржи одредена количина минерали како калциум и калиум, додека белиот шеќер е чиста сахароза без витамини или минерали.

Главната разлика, покрај бојата, е во вкусот - кафеавиот шеќер има поинтензивен вкус.

Двата вида шеќери се сè уште шеќери, и го имаат истиот ефект врз здравјето.

Генерално, не постои некоја разлика помеѓу двата вида шеќер кога станува збор за здравјето - треба да бидете умерени и со белиот, и со кафеавиот.

Сепак, во некои ситуации е подобро да користите бел, а во некои кафеав шеќер.

На пример, препорачливо е да го користите кафеавиот шеќер кога сакате побогат вкус без разлика дали правите торта, колачиња или некаков сос за скара.

Во некои ситуации можете да го замените кафеавиот со бел шеќер и обратно. Но, имајте на ум дека ова ќе има влијание на вкусот.

На пример, колачињата направени со кафеав шеќер ќе бидат посочни и со поголема густина, додека оние направени со бел шеќер ќе бидат „воздушести“.

Поради ова, белиот шеќер се препорачува за храна која очекувате да биде повоздушеста.

Друга разлика е и бојата. Ако ставите кафеав шеќер, храната може да добие боја на карамела или кафеава нијанса.

Од друга страна, белиот шеќер генерално не предизвикува промена на бојата.

Што значи, дали ќе изберете бел или кафеав шеќер најмногу зависи од вас.

Иако кафеавиот шеќер има повеќе минерали од белиот, ова количество е многу мало за да забележите некаква придобивка.

Не заборавајте и дека консумирањето шеќер треба да биде умерено. Односно, количеството додаден шеќер не треба да надмине 5-10% од дневното количество калории.

Ако имате проблеми со здравјето, ова количество може да треба да биде и помало.

Ашера | Црнобело