Која храна е добра, а која е лоша за вашиот црн дроб?

Црниот дроб е еден од највиталните органи во телото и без него не би преживеале. Воглавно, овој орган е како „лабораторија“ за детоксикација и ја прочистува и филтрира крвта. Исто така, црниот дроб ги метаболизира хемикалиите, јаглехидратите, протеините и жолчката.

Како и за секој орган, и за црниот дроб има добра и лоша храна. Воглавно, „лошата“ храна нема да предизвика штета доколку сте умерени со неа, но добро би било да знаете што да избегнувате.

Храна добра за црниот дроб

Кафе

Кафето го намалува ризикот од развивање дијабетес тип 2, како и разни невролошки нарушувања. Причината е што кафето е богато со антиоксиданти.

Се разбира, не треба да претерувате, бидејќи прекумерното пиење кафе, пак, може сепак да предизвика негативни здравствени последици. 

Боровинки

Всушност сите бобинки се добри за црниот дроб, но главното место им припаѓа на боровинките бидејќи се богати со антиоксиданти. Покрај тоа, некои истражувања покажале дека го намалуваат развивањето на ракот и го лекуваат ткивото.

Риба

Рибата е богата со протеини, аминокиселини и омега 3 масни киселини. Омега 3 киселините му помагаат на црниот дроб да ги намали лошите масти во организмот.

Брусница

Брусницата е богата со витамин Ц, што пак му помага на црниот дроб при метаболизирање на мастите.

Грејпфрут

И ова овошје е богато со витамин Ц и антиоксиданти и го чисти дробот од токсини. Само внимавајте со грејпфрутот доколку земате антидепресиви.

Грозје

Семките се најдобриот дел од грозјето за вашиот црн дроб. Едно истражување покажало дека екстрактот од семки од грозје за само три месеци може да ја подобри состојбата на замастениот црн дроб.

Цвекло

Цвеклото исто така го чисти дробот од токсини. Доколку не ви се допаѓа неговиот вкус, можете да го консумирате како додаток за смути.

Храна и пијалаци кои се лоши за црниот дроб:

Алкохол

Веќе не е никаква тајна дека алкохолот е лош за нашиот организам. Претераното консумирање алкохол може да го оштети црниот дроб и да ја намали неговата способност за регенерирање.

Ова значи дека органот нема ефикасно да ги разложува лошите масти и токсините.

Конзервирана храна

Конзервираната храна е полна со натриум за да го продолжи нејзиниот рок, но и за да го подобри вкусот. Но високото ниво на натриум во организмот може да предизвика фиброза.

Брза храна

И брзата храна содржи многу натриум па пиците, хамбургерите и помфритот се вистински кошмар за вашиот црн дроб.

Суво грозје

Иако сувото грозје е здрава намирница, доколку го консумирате пречесто, ќе го постигнете спротивниот ефект. Овaа намирница е полна со шеќер и калории и може да предизвика воспаление на ткивото на црниот дроб.

Црвено месо

Црвеното месо е одличен извор на протеини, но содржи многу холестерол. Претераното консумирање црвено месо неретко е поврзано со зголемен ризик од заболувања на црниот дроб, па дури и појава на дијабетес.

Газирани пијалаци

Диеталните газирани пијалаци се некогаш полоши од обичните. Имено, тие содржат многу хемикалии за засладување, кои имаат помалку калории. Доколку ги пиете често, можат да предизвикаат таложење на масти околу црниот дроб.

Слатки

Проблемот со слатките е тоа што содржат многу рафиниран шеќер, вештачки засладувачи и сируп од пченка. Шеќерот е штетен за црниот дроб бидејќи тој е единствениот орган што го разложува.

Доколку не можете да се откажете од благото, зголемете ја физичката активност за да го намалите штетното дејство.

Спирова С. | Црнобело