Спанаќот е поздрав кога е сварен, ја намалува ќелавоста и уште 8 нови информации за него

Уште кога бевме деца, благодарение на морнарот Попај, дознавме дека спанаќот е здрава храна која нè прави посилни. Но, ова не е единствената придобивка што ја нуди овој зеленчук.

Со овие 10 факти за спанаќот можеби досега не сте биле запознаени:

1. Кога ќе ја споредите количината на железо во 100 грама спанаќ и 100 грама плескавица од говедско месо, ќе најдете повеќе железо во спанаќот отколку во месото (3,57 мг наспроти 2,49 мг).

2. Спанаќот најмногу (количински) се одгледува во Кина, околу 26 милиони тони годишно, што претставува околу 92% од вкупното светско производство на оваа храна.

3.Спанаќот бил откриен во античка Персија, од каде пристигнал во Кина во седмиот век. Поради оваа причина, денес во Кина се нарекува и „персиско зеленило“.

4. Во САД постои Национален ден на спанаќот, кој се слави на 26 март секоја година.

5. Во средниот век го користеле сликарите за да создадат зелена боја.

6. За разлика од другите зеленчуци, спанаќот е поздрав кога се јаде готвен, отколку сиров.

7. Спанаќот е идеална храна за диета, бидејќи 100 гр содржи само 23 калории.

8. Сите знаеме дека краставицата содржи многу вода во неа, но дали знаевте дека спанаќот содржи дури 91% вода?

9. Поради голема количина на железо, спанаќот е корисен за нашата коса, па доколку имате проблеми со ќелавост, зголемете го внесот на оваа храна.

10. Најдобро е да се консумира во рок од осум дена откако ќе се собере.

Ашера | Црнобело