Видови леб од државите низ светот што вреди да ги пробате барем еднаш

Фокача

Потекло: Италија

Денес постојат бројни варијации на Фокача и лепчето може да се прави со зачини, зеленчук, сирење и кашкавал или без додатоци. Иако во тестото се додава квасец, лебот е тенок, а една од најважните состојки е маслиновото масло.

Лаваш

Потекло: Ерменија

Овој леб кој наликува на палачинка е најпопуларен во Ерменија, но и Турција, Иран и Азербејџан. Обично лебот се пече во фурна и може да се комбинира и со слатки, и со солени јадења.

Наан

Потекло: Индија

Можеби најубавиот индиски леб е таканаречениот наан. Лепчето има впечатлив вкус бидејќи во тестото се додава и јогурт. Неретко, лепчињата се премачкуваат со путер и лук – нешто што им дава навистина посебен шмек.

Паи бао

Потекло: Хонгконг

Паи бао е сладок леб, најпопуларен во Хонгконг. Тестото се прави со млеко, а поради начинот на приготвување, лебот останува свеж многу подолго.

’Ржан леб

Потекло: Скандинавија

Секоја скандинавска држава си има своја верзија на ’ржан леб, но наводно, ширум светот најпопуларен е данскиот рецепт. Овој леб има многу темна боја и сочна текстура и често се додаваат разни семиња, како сончоглед.

Леб со кисело тесто

Овој леб може да се смета за традиционален насекаде, бидејќи се прави во сите држави. Името „кисело“ не значи дека лебот е кисел, туку потекнува од фактот што наместо квасец, се користат состојки како јогурт.

Вашата баба сигурно ви има направено вакво лепче барем еднаш.

Фото: Инстаграм Теа Трпковска

Тортилја

Потекло: Мексико

Тортилјите, кои традиционално се прават од пченкарно брашно, потекнуваат од Мексико, но денес се консумираат насекаде. Всушност, речиси и да нема личност која не пробала и која не сака тортилји.

Како што напоменавме, традиционално се прават со пченкарно брашно, но денес можете да најдете тортилји од секакво брашно.

Спирова С. | Црнобело