Пилешко, лимони, павлака – Како да одредите дали храната е свежа и добра за јадење?

Лимоните треба да имаат впечатлива жолта боја, а околу пилешкото не треба да има никаква течност.

pileshko-limoni-pavlaka-kako-da-odredite-dali-hranata-e-svezha-i-dobra-za-jadenje-01.jpg

Со огромниот избор во продавниците, некогаш може да биде тешко да го одбереме најдобриот продукт.

Некогаш, пак, ако не помниме кога сме купиле нешто, не сме сигурни дали некој продукт во нашиот дом е добар за јадење, или сепак е подобро да го фрлиме.

Во продолжение неколку совети што ќе ви помогнат да одредите дали одредени намирници се свежи и добри за јадење:

Јајца

За да проверите дали јајцето е свежо, скршете го во чинија и обрнете внимание на жолчката. Кај свежите јајца жолчката ќе биде во средината, а белката нема да се разлева лесно.

pileshko-limoni-pavlaka-kako-da-odredite-dali-hranata-e-svezha-i-dobra-za-jadenje-02.jpg

Авокадо

Кај зрелото авокадо делот од стебленцето на врвот ќе можете да го отстраните многу лесно. Ако не можете да ги отстраните стебленцето со нежен допир, подобро почекајте уште некој ден пред да го пресечете авокадото.

pileshko-limoni-pavlaka-kako-da-odredite-dali-hranata-e-svezha-i-dobra-za-jadenje-03.jpg

Тиква

Ако сакате да ја одберете најдобрата тиква, најпрво осигурете се дека е тврда и мазна. Потоа чукнете на неа – ако ви звучи како да е шуплива, тогаш е во ред да ја купите.

pileshko-limoni-pavlaka-kako-da-odredite-dali-hranata-e-svezha-i-dobra-za-jadenje-04.jpg

Павлака и кисело млеко

Ако забележите малку вода во павлаката или киселото млеко, важно е дознаете дека тоа не е знак дека храната е расипана.

Оваа течност е всушност дел од киселото млеко и павлаката, некогаш може да се одвои и е потполно безбедна.

pileshko-limoni-pavlaka-kako-da-odredite-dali-hranata-e-svezha-i-dobra-za-jadenje-05.jpg

Риба

За да ја проверите рибата, нежно притиснете ја со прстот – ако месото се врати во првобитната положба и не остане отисок, тогаш рибата е свежа.

Не заборавајте да ги погледнете и очите – не треба да имаат бел слој и не треба да изгледаат вдлабнато.

pileshko-limoni-pavlaka-kako-da-odredite-dali-hranata-e-svezha-i-dobra-za-jadenje-06.jpg

Пилешко

Кога купувате пилешко, осигурете се дека околу месото нема никаква течност. Ако купувате замрзнато пилешко и забележите мраз, како замрзната вода, подобро земете друго парче.

pileshko-limoni-pavlaka-kako-da-odredite-dali-hranata-e-svezha-i-dobra-za-jadenje-07.jpg

Кокосово масло

Додека е на собна температура, ставете малку кокосово масло во стаклена чаша и оставете го половина час во фрижидер. Откако маслото ќе се стврдне, ако забележите друг слој врз него, најверојатно не е чисто и има додадено други масла и состојки.

pileshko-limoni-pavlaka-kako-da-odredite-dali-hranata-e-svezha-i-dobra-za-jadenje-08.jpg

Лимони

Зрелите, свежи лимони имаат впечатлива жолта боја. Ако лимонот изгледа бледо или има и зеленкаста нијанса, најдобро не го купувајте.

pileshko-limoni-pavlaka-kako-da-odredite-dali-hranata-e-svezha-i-dobra-za-jadenje-09.jpg

Спирова С. | Црнобело

Би можело да ве интересира:

Едноставни совети со кои ќе ги претворите готовите смеси за торти во вистински специјалитет Заменето го маслото со путер, додајте јајце плус и наместо вода, ставете млеко. ...
Масло, шеќер и уште 5 продукти кои сепак не се со неограничен рок на траење По некое време кафето ги губи вкусот и аромата, брашното апсорбира влага, а суви...
Месо, тестенини: Совети кои ако ги примените ќе готвите како професионалец (иако сте аматери во кујн... Ако готвењето не ви е силна страна, а сепак имате желба да направите нешто спект...

Најчитани неделава

sonovnik-sidebar.jpg