10 причини зошто храната ви се расипува брзо, дури и кога ја чувате во фрижидер

Ја чувате храната во отворени садови, не обрнувате внимание на температурата во фрижидерот и го преполнувате со намирници.

Сите мразиме кога треба да фрлиме храна, особено ако сме сигурни дека сме ја чувале соодветно.

Сепак, дури и кога ја чувате храната во фрижидерот, постојат некои ситници кои можат да ѝ го скратат рокот на траење.

Кои грешки при складирање ви ја расипуваат храната?

Не користите стаклени садови за чување храна

Иако нема ништо лошо во пластичните садови за храна, стаклените се секогаш подобар избор.

Овие садови се безбедни за во микробранова печка, па значително го олеснуваат одмрзнувањето и подгревањето на храната. 

Покрај тоа, стаклените садови не апсорбираат мириси, па нема да го променат вкусот на храната во нив, а исто така се подобри за околината.

Ја чувате храната во обоени садови

Многу е поверојатно дека ќе заборавите некој оброк во фрижидерот ако не го гледате, односно ако е складиран во обоен сад, а не проѕирен.

Кога ќе можете да ја видите храната во садот, ќе знаете што имате во фрижидерот и нема да ја заборавите.

Не ја распоредувате храната правилно во фрижидерот

Во овој случај постои едноставно правило што треба да го следите – живата храна никогаш не треба да стои врз храната која е зготвена или може да се јаде веднаш.

Причината е тоа што од живата храна, како месо, можат да потечат течности во зготвената храна, па да направат побрзо да се расипе.

Што значи, остатоците од ручекот, зеленчукот за салата и хранат што може да се јаде веднаш чувајте ја на горните полици, а месото и сличните продукти кои треба да ги готвите ставете ги најдоле во фрижидерот.

Го преполнувате фрижидерот

Кога фрижидерот е целосно полн, многуте продукти го попречуваат струењето на студениот воздух. Ова значи дека храната не е разладена на соодветна температура и може да се расипе побрзо.

Наместо да го преполнувате фрижидерот, купете намирници само за следната недела.

Температурата во фрижидерот не е соодветна

Според Администрацијата за храна и лекови во САД, препорачливо е температурата во фрижидерот да биде 4 степени Целзиусови или пониска.

На повисока температура, бактериите можат да почнат да се развиваат и да ја расипат храната.

Продолжува на следната страница...