8 трикови со кои ќе ја приготвите италијанската храна како Италијанец

Тестенините не треба да бидат преварени

Тестенините секогаш треба да бидат сварени „ал денте“, односно да не бидат многу меки и преварени бидејќи ова има влијание врз вкусот.

Најдобро е да ги следите инструкциите за варење на самата амбалажа на тестенините. Ако не сте сигурни, можете и да проверите – горниот слој на тестенините треба да биде мек и со посветла жолта боја, додека во средината треба да има тенка бела линија.

Домашниот доматен сос е многу повкусен од купечкиот

Италијанците преферираат домашен доматен сос наместо купечки.

За деновите кога немате време, можете да направите поголемо количество и да го чувате во замрзнувач.

За домашен доматен сос слободно можете да користите и конзервирани домати.

Препорачливо е во сосот да додадете и малку од водата во која се вареле тестенините – во неа има скроб, па ќе го згусне сосот.

Колку жолчки се потребни за карбонара сос?

Препорачливо е да ставите по една жолчка за секоја порција.

Односно, ако правите тестенини за двајца, ставете две жолчки.

И за овој сос употребете од водата во којашто се вареле тестенините.

Која е тајната за совршено тесто за пица?

Кога правите тесто за пица, идеално е ако можете да го оставите да отстои помеѓу 48 и 72 часа, во фрижидер.

Ако го чувате тестото на собна температура, доволно е да отстои помеѓу 6 и 10 часа.

Кога ќе ја правите пицата, премачкајте го тестото со малку маслиново масло и немојте да користите кечап, туку доматен сос - уште подобро ако е домашно направен.

Спирова С. | Црнобело