8 трикови со кои ќе ја приготвите италијанската храна како Италијанец

Немојте да ги преварувате тестенините, а кога правите салата, дајте му предност на балсамико оцетот.

Италијанската храна е превкусна, а обично се приготвува многу брзо, па не е ни чудно што е фаворит на многу луѓе од целиот свет.

Сепак, се чини дека секоја земја си менува некои правила кога станува збор за приготвување италијанска храна, а истото важи и за нас.

Ако ги преварувате тестенините и им ставате многу кашкавал, тогаш и вие спаѓате овде.

Па, како да ја приготвите италијанската храна како Италијанец?

Како да направите совршена лазања?

Постојат неколку грешки што ги прават повеќето луѓе кога прават лазања.

Најпрво, не заборавајте дека месото и зеленчукот со кои ќе го правите филот мора да бидат зготвени пред да ја направите лазањата.

Кога станува збор за филот, немојте да претерувате бидејќи лазањата ќе биде многу кашеста. Не треба да претерате ни со бешамел сосот од истата причина.

Лазањата треба да се пече околу 45 минути, а за да го спречите загорувањето на горниот слој, ставете алуминиумска фолија околу 20 минути откако ќе ја ставите во рерна.

Кога лазањата ќе се испече, оставете ја да отстои барем половина час.

Користете балсамико оцет

Кај нас отсекогаш најпопуларен бил јаболковиот оцет, но балсамико оцетот им дава посебен вкус на салатите.

Не претерувајте со кашкавалот

Ренданиот кашкавал, особено пармезанот, е задолжителен за повеќето јадења со тестенини.

Сепак, треба да бидете умерени бидејќи големото количество ќе го промени вкусот на тестенините и сосот.

Кога можете, правете домашни тестенини

Обично правиме тестенини кога немаме многу време, но кога сте во можност вреди да направите и домашни.

Уште четири трикови на следната страница...