Христијан Стојановски за животот во Тајван: „Присуствував на реална воена вежба, го посетив најголемиот храм“

Уште на самиот почеток на мојот престој тука, решив слободното време да го искористам посетувајќи ги најатрактивните дестинации што ги нуди островот, како Sun Moon Lake, Elephant Mountain.

Бев на планинарење на доста врвови, водопади, а го посетив и најпознатиот храм изграден во чест на Chang Kai Shek, херојот на многу Тајванци и човек кој успеал да го одвои Тајван од Кина.

Граѓаните на Тајван се цврсто врзани за нивната татковина и одбиваат повторно соединување со Кина и нивниот политички систем.

На неколку наврати низ улиците на градот забележав знаци на изградени подземни засолништа, како и тренинг центри и курсеви, на кои се учи ракување со огнено оружје, па ми стана јасно дека луѓето се подготвени и за најлошото можно сценарио.

Во еден момент во центарот на градот бев сведок и на воени вежби од страна на тајванските службеници. За момент помислив дека се наоѓам на прагот на нова војна и модерна верзија на тоа што се случувало во Перл Харбур, но тогаш добив СМС порака со најава „Аir disaster exercise“.

Овие околности не беа некое посебно изненадување за мене, бидејќи пред да се одлучам да потпишам договор и да дојдам во Тајван, истражував многу за земјата.

Кога ми стана јасно што навистина се случува, ме облеа чувство на несигурност и токму поради тоа цврсто одлучив да се соочам со стравот и да аплицирам за виза уште наредниот ден.

Од работен аспект можам да истакнам дека сум задоволен, дел сум од елитни модни ревии и настани, а како најголем успех ја сметам фотосесијата со дијаманти за престижниот италијански бренд Damiani“

Повеќе фотографии од Тајван на следната страница...