Сања Коцева: „Маурициус е парче од рајот, плажите се спектакуларни, само патот дотаму е долг и напорен“

Која глетка оттаму никогаш нема да ја заборавиш?

Обожавав да го гледам зајдисонцето таму. Секогаш изобилуваше со сплет на прекрасни бои, кои се чинеа нереални при секое заоѓање на сонцето.

Има ли забавни тури и активности?

Маурициус изобилува со активности за туристите. Почнувајќи од огромните голф терени, нуркање со водени желки, гледање на делфини, сафари, прошетки со брод до блиските мали острови во околината, јавање на коњи по плажата, качување по познатата планина Le Morne Brabant, сурфање, прошетка со хеликоптер и гледање на преубавите подводни водопади на југо-западниот дел од островот и уште многу други активности кои ја прават посетата на овој остров уште поинтересна.

За оние кои сакаат активен одмор дефинитивно има доста забавни тури и активности.

Од која земја имаше најмногу туристи во ресортите?

Најмногу посетители имаше од Франција, Англија и Германија.

Има ли што да се види надвор од ресортите?

Според мене најубавата страна на далечните патувања е баш онаа авантура надвор од ресортите и запознавањето со тамошната култура.

Бидејќи го шетавме островот со автомобил имавме можности да посетиме и доста интересни места од кои би ги издвоила Паркот Casela каде се наоѓаат џиновските желки, сафари, областа Chamarel со прекрасните водопади и Земјата обоена во седум бои, ботанички градини, фабриките за рум итн.

Продолжува на следната страна...