Сања Коцева: „Маурициус е парче од рајот, плажите се спектакуларни, само патот дотаму е долг и напорен“

Лошата страна на Маурициус е…

Што е толку далеку од кај нас.

Какви се цените?

Цените во Маурициус се доста пристојни, така што за еден ручек или вечера во локален ресторан во некое од населените места може да очекувате да платите онолку колку би платиле и кај нас.

Нормално, ресортите кои се наоѓаат до океанот се малку поскапи. Островот изобилува со многу тропски овошја, па често од локалното население може да купите кокос, ананас, сок од шеќерна трска за 2-3 евра.

Каква е храната?

Преовладува нивната традиционалната кујна со изобилие на тропско овошје и морски специјалитети, но дури и доколку не сте љубител на ваков тип на храна, може да уживате во добар бургер, пица или паста.

Напорни ли се локалците со нудењето на услуги по улиците и плажите?

Како и на секое туристичко место и овде се присутни локалците кои најчесто нудат нивни производи по плажите. Најголемиот дел се љубезни трговци, од кои низ разговор може да научите и многу работи за самиот остров.

Најчесто ќе сретнете локалци кои продаваат тропски овошја карактеристични за тоа поднебје по доста пристапна цена, така што е тешко да си заминете без да купите ништо.

Како народ би ги опишала како…

Мирољубиви, скромни, љубезни.

Што те воодушеви најмногу од животинскиот свет таму?

Маурициус е познат по богатиот животински свет. Покрај богатиот морски свет, најмногу од сè ме воодушевија џиновските желки кои можат да се видат во одредени национални паркови на островот.

Џиновските желки се стари 200 години и се подарок од Сејшелите. Слободно се пуштени во парковите, па претставуваат вистинско задоволство меѓу посетителите.

Продолжува на следната страна...