Софија и Јаков Спасов за медениот месец во Исланд: „Пејзажите беа како од друга планета, ни фалеше уште по некоја јакна“

Имаше ли бајковити куќички, стада овци, неверојатни пејзажи…?

Буквално секаде каде што отидовме беше како од бајките кои ни ги раскажувале како деца, високи планини и зелени полиња до недоглед со по некоја мала куќичка среде нив.

Бидејќи Исланд е вулкански остров најголемиот дел од земјата е каменест така што нема плодна почва, но затоа има мов во најразлични нијанси на зелено кој навистина изгледа магично, особено ако е сончево времето.

Заради силниот ветар и непогодните временски услови нема можност да има шуми на островот. Низ годините постојат повеќе обиди за вештачко пошумување и досега имаат околу 3% пошумено, а целта им е да достигнат 11%

Исланд се наоѓа помеѓу две континентални плочи и затоа е вулканска земја, каде секојдневно има по неколку мали земјотреси.

Интересно е тоа што во текот на летната сезона, жителите во руралните средини ги пуштаат овците слободно да се шетаат насекаде, а пред почетокот на зимата се организира „фестивал“ на кој се приклучуваат сите жители од урбаните и руралните предели да им помогнат на сточарите да ги соберат во плевните за претстојната зима.

Какви се локалците? Висок ли е стандардот на живот?

Со оглед на тоа што на површина од 103.000m² има околу 370.000 жители, локалците се неверојатно смирени, спокојни и гостопримливи луѓе кои низ годините имаат заклучено дека единствен начин за да ги преживеат долгите и ладни зими, како и честите вулкански ерупции мора да живеат во хармонија и да си помагаат едни со други.

Локалците имаат апликација која ја користат кога ќе се запознаат со друг жител на Исланд за да видат на кое семејство му припаѓа и дали случајно можеби се роднини.

Интересно е што заради големиот број на термални извори и гејзери струјата во Исланд е бесплатна, исто ја имаат една од најчистите води за пиење во Европа.

Најголемиот приход во државата е од туризам. Стандардот на живот е на многу високо ниво, затоа и Исланд се смета за една од најскапите држави во Европа.

Бевме изненадени од цените на храна, на пример, во еден ресторан за улична храна јадевме традиционална похована риба и компири (fish and chips), супа од зеленчук и две води и сметката беше околу 60 евра.

Бевте ли на некое крстарење? Видовте ли китови/делфини?

Бидејќи сè поголем е бројот на туристи има сè поголем број на тури кои се организираат за истражување на убавините на Исланд.

Бевме на тура со брод да гледаме китови, делфини и познатата локална птица „puffin bird“ и беше супер искуство.

Бидејќи китовите и делфините не се доближуваат до туристичките бродови, имавме среќа да видиме неколку видови од нив на околу 200 метри од бродот.

Имаше ли туристи од други земји и од каде најмногу?

Во последните десетина години туризмот во Исланд е многу развиен и имаше туристи од сите страни на светот, искрено не забележавме дека од некое место има значително повеќе него од друго.

Продолжува на следната страна...