Македонците Митре и Катерина имаат пекарница во Сингапур: „Само 1% од гостите се Балканци, освен печиво служиме и ајвар и лутеница“
„Пекара со производи како нашите не постои во цела Азија, а со комплет производи како нашата нема ниту на Балканот. Локалците гледаат љубопитно, но, штом пробаат стануваат редовни муштерии“ – вели за CRNOBELO.com Катерина Цветковиќ која заедно со сопругот Митре Крајоски во Сингапур има своја пекарница што го носи името „Yugoslavia“.
Мите Крајоски (54) по потекло е од Прилеп, но долги години работи како пилот на Боинг 777 во Singapore Airlines, а тој и неговата сопруга Катерина Цветковиќ (40), која по потекло е од Скопје, веќе 8 години се во брак и заедно имаат две деца Анастасиа (6) и Симон (5).
Во моментов само Катерина е македонски државјанин, а Мите и децата се државјани на Сингапур, но посебно е интересна нивната приказна за тоа како дошле до идеја да отворат бизнис којшто е уникатен во Азија, a во поглед на производите што ги нуди, можеби и на Балканот.
Тие двајца имаат своја пекарница во Сингапур и на балканските гости им нудат можност да ги вкусат специјалитетите што ги потсетуваат на родниот крај, а на своите азиски гости им нудат можност да пробаат некои од најубавите македонски и балкански специјалитети.
Гостите што доаѓаат во нивната пекарница која симболично го носи името „Yugoslavia“ имаат можност да пробаат бурек, домашно подготвен јогурт, баклава и други благи специјалитети, но и ајвар и лутеница.
Во интервју за CRNOBELO.com Катерина ја споделува својата приказна за тоа како се преселиле во Сингапур и како дошле до идеја да започнат свој бизнис таму.
Кога се преселивте во Сингапур и колку време живеете таму?
Митре е во Сингапур повеќе од 18 години и цело време работи како пилот, а јас сум таму 7 и пол години. Децата се родени во Сингапур.
Како дојдовте до идеја да отворите своја пекарница во Сингапур?
Пекарството отсекогаш ни било слабост, а сите локални пријатели отсекогаш ги обожавале нашите домашни производи.
За време на пандемијата Митре леташе многу малку па така и се створи можност (многу слободно време) да го започнеме бизнисот.
Пекара со производи како нашите не постои во цела Азија, а со комплет производи, како нашата, нема ниту на Балканот.
Дали постапката за започнување свој бизнис е тешка таму? Кои беа најголемите предизвици со коишто се соочивте?
Постапката е најлесниот дел доколку се има концепт и секако, финансии, затоа што Сингапур е отсекогаш во најскапите 3 града во светот.
Најголем предивик е работната сила која е огромна препрека за ширењето на нашиот бизнис.
Продолжува на следната страница...
Би можело да ве интересира:
Препорачуваме
Најчитани неделава
