Отец Душко Пецов е на служба во Германија: „Има сè повеќе крштевки и венчавки, Македонците се сплотуваат кај нас во црква“

Има ли некои настани/собири си помагате ли едни на други?

Порано имавме повеќе, сега по короната не. Оставаме тоа да го прават клубовите, но секако безрезервно ги поддржуваме и стоиме зад нив.

На поголемите празници во Црква имаме дружба.

Сега со изградбата на новата Црква добивме и една сала во која, моја голема желба е да организираме дружба за децата и младите, да учат веронаука, македонски јазик, хор и др.

Младите да се дружат, а секако и пензионерите.

За тоа колку помагаме, други треба да кажат тие, а јас мислам да, во секој поглед.

Колку Германците се религиозни?

Не многу, но се почитуваат и тоа е во ред.

Како се приспособи вашето семејство?

Најпрво со страв и резервираност, но потоа кога видовме какви добри луѓе има и нè прифатија како дел од нив беше лесно.

Навистина постојат луѓе кои буквално нè сакаат и нè ставаат како дел од нивните семејства.

Тоа е благодат, навистина.

И овде во самата Црква, членовите на управата се прекрасни и се грижат за нас, едноставно не сакаат.

Работи ли сопругата?

Ние сме заедно околу Црквата.

Се грижиме за црковните простории и дворот заедно, а таа исто така и пее на св. Богослужби.

И секако води грижа за едно големо дете, а тоа сум јас.

Има ли дискриминација?

Со соседите имаме добар контакт и досега не сум почувствувал никаква дискриминација.

Зошто ја обожавате својата работа?

Работа?! Не, тоа е служба, во која се слави Бога и се поучува народот.

Си ја сакам и живеам за секој момент.

Може да се каже дека 24 часа трае мојата служба затоа што и секој однос надвор од храмот се трудам да биде како што треба. Има слабости и грешки, но сето тоа е нормално.

Јас би рекол и дека многу слабо имам приватен живот.

Сè подредуваме и правиме во името Божјо.

Што ви се допаѓа најмногу од животот во Германија?

Редот! Има ред и дисциплина во секое поле.

Секој си ја гледа својата работа. Кога се работи се работи, кога е одмор се одмора.

Продолжува на следната страница...