Запознајте го 3-годишниот „Могли“ од Охрид (фото)

Учењето и образованието базирано на природата го подобруваат критичкото размислување на детето. Кога децата не излегуваат на отворено, тие пропуштаат вредни искуства кои можат да го збогатат нивниот физички и ментален развој.

Воведувањето на убавините на природата во животот на мојот син Томи започна уште кога беше бебе, од секакви животни до различни пејзажи и клима – сето тоа го поттикнува да го цени светот околу него и му помага да го разбере своето место во него.

На пример, посетата на езеро или поток е можност не само да научи за живеалиштето на рибите, туку и да истражи од каде доаѓа нивната вода за пиење, еден од најскапоцените ресурси во животот.

Омилената игра на Томи е секојдневното истражување на природата со љубопитни рачиња и боси ноџиња.

Имаме голема среќа што живееме во место кое нуди вонвременски убавини со вода и зелени површини, нашиот прекрасен Охрид.

Качувањето по дрвја, прскање во поток или берење диви плодови се можности да ја доживее природата на свој начин.

Секојпат кога Томи ќе виде армија од мравки, птици кои летаат на небото, огромна шума или вода, знам дека ги проширувам неговите хоризонти – физички, емоционално и ментално.

Продолжува на следната страница...