Чичко Живо (92) веќе 7 децении живее во Бразил, неговата ќерка е горда на македонските корени: „Тргнавме за САД, но останавме тука“

cicko-zivo-vekje-sedum-decenii-zivee-vo-kuritiba-a-negovata-kjerka-e-prva-generacija-na-makedonci-rodeni-vo-brazil-04_copy.jpg

Во 2011 година, Елисабет заедно со своите родители за првпат доаѓаат во Македонија, во родната Битола на Живо.

„До сега Македонија ја имам посетено трипати. Првиот пат во 2011 година со моите родители. Тоа беше првпат татко ми да се врати во Македонија. Беше многу емотивна посета на родната земја на татко ми.

Го посетивме Жабани и куќата во која тој е роден и израснат.

Тоа беше стара куќа од камења“ – вели таа и додава дека кога нејзините близнаци имале четири години ги донела во Македонија да ја посетат.

cicko-zivo-vekje-sedum-decenii-zivee-vo-kuritiba-a-negovata-kjerka-e-prva-generacija-na-makedonci-rodeni-vo-brazil-05.jpgСликани пред куќата во Жабани

Последната нивна посета на Македонија била пред две години, кога заедно со сопругот и децата го посетиле Скопје.

„Јас разбирам многу од македонскиот јазик. Имам посетувано часови во рамки на ОМД – Обединета Македонска Дијаспора, но сè уште имам многу за подобрување. Моите деца не зборуваат македонски, но покажаа интерес да научат.

Па затоа, ако ни се укаже можност ќе ги пратам во Македонија да научат“ – појаснува таа која додава дека нејзините деца почнуваат да ја имаат истата љубов кон Македонија како и неа, откако веќе двапати ја имаат посетено. А ним, најмногу им се допаѓаат Битола, Охрид и Скопје.

chichko-zhivo-92-vekje-7-decenii-zhivee-vo-brazil-negovata-kjerka-e-gorda-na-makedonskite-koreni-trgnavme-za-sad-no-ostanavme-tuka-04.jpg

„Јас сум заљубена во македонската кујна. Омилено ми е сирењето, и штета што го нема во Бразил.

Имаме нешто слично, но ни одблиску не е толку вкусно. Исто така сакам шопска салата, зелник, питулици, компир манџа и секако, ајвар“.

cicko-zivo-vekje-sedum-decenii-zivee-vo-kuritiba-a-negovata-kjerka-e-prva-generacija-na-makedonci-rodeni-vo-brazil-02.jpg

Елисабет открива дека многу малку Бразилци знаат или имаат слушнато за Македонија.

„Моето македонско потекло служи како референца меѓу моите пријатели и колегите од работа, па кога зборуваат за мене, велат „пријателката од Македонија“- вели таа.

chichko-zhivo-92-vekje-7-decenii-zhivee-vo-brazil-negovata-kjerka-e-gorda-na-makedonskite-koreni-trgnavme-za-sad-no-ostanavme-tuka-05.jpg

Таа додава дека од неодамна е член на Обединета Македонска Дијаспора и тоа и помага да се поврзе со своите македонски корени.

„Во ОМД се обидуваме да ги поврземе Македонците кои живеат во Бразил и во Јужна Америка. Заедно да ги одржуваме традициите, јазикот и културата“ – појаснува таа и додава дека е во постојана потрага по Македонци во овие краеви.

Не попусто Петре М. Андреевски има напишано дека „семето македонско е како пиреј“ бидејќи пирејот кај и да го посееш ќе никне, ќе остави трага.

©CRNOBELO.com Забрането преземање и копирање. Крадењето на авторски текстови  и фотографии е казниво со закон.

И. Ј.| Црнобело / Фото: Приватна архива



Би можело да ве интересира:

Миро Кацаров за љубовта со Ивана: „Ни се случи љубов на прв поглед, по неколку месеци веќе почнавме ... „Ивана знае дека јас сум блесав и будала на свој начин, па не беше шокирана од з...
Хелена Роза по 4 години се врати од Нов Зеланд: „Заминав на 39 години, завршив факултет и сега со со... „2022 ми беше една од најубавите години - конечно зедов дозвола за возење мотор ...
Васка Леонтиќ: „Забременив со ин витро, сама станав мајка на 48 години, мојата ќерка (5) знае сè за ... „Никогаш не размислував за тоа што ќе зборуваат другите за тоа дека забременив с...
Елена Ристеска: „Има многу злоба меѓу народот, се штитам така што никој не знае каде сум и што права... „Почесто плачам од радост, отколку од тага. Емотивна сум за блиски луѓе, за...
Магдалена Трајкоска: „Го победив ракот трипати, најголема поддршка ми е сопругот, а позитива - моето... Магдалена Трајкоска (34) од Скопје е пример за херојска истрајност, триумфално и...
Ламбе Алабаковски: „Во Бигорски си го наоѓам мирот, со Врчак сакаме да снимиме нов дует“ „Магдалена е многу добра мајка и сопруга. Таа во 2000 година со семејството се п...

Најчитани неделава

sonovnik-sidebar.jpg