Марија од Скопје е криминалист и пишува трилери: „Истражував мапи и дејство на отрови за романите да бидат веродостојни“

„Со романот „Сенки во подземјето“ наидов на игнорирање од страна на две издавачки куќи, но не се посомневав во себе. Ликовите што ги креирам се плод на мојата фантазија и тие немаат сличности со луѓето од мојата околина, но приказните што сум ги слушала во текот на студиите по криминологија придонеле за да ги создадам навиките на криминалците“ – вели во интервју за CRNOBELO.com, Марија Ралповска, авторка на кримиромани во Македонија.

marija-od-skopje-e-kriminalist-i-pishuva-trileri-istrazhuvav-mapi-i-otrovi-za-romanite-da-bidat-verodostojni-01.jpg

Марија Ралповска е млада македонска писателка, која благодарение на романите „Сенки во подземјето“ и „Мастилна мапа“ стана една од најчитаните авторки кај нас, а за нејзините четива има само позитивни коментари во читателските кругови.

Добро разработените приказни, изградените ликови во романите и секако приказната која ве вовлекува и не ви дава мир додека не ја завршите, се чини дека е „магијата“ што прави оваа млада авторка брзо да стане меѓу попознатите писатели во Македонија.

marija-od-skopje-e-kriminalist-i-pishuva-trileri-istrazhuvav-mapi-i-otrovi-za-romanite-da-bidat-verodostojni-02.jpg

Марија започнала да пишува кога имала само 14 години и тогаш го објавила својот прв роман „Фрагарија“, по што следувале и романите „Фрагарија и осумте чувари“, „Рај во пеколот“, книгите за деца „Самовилата од Виленија“ и „Моњо и вселенскиот брод“, како и кримитрилерите „Сенки во подземјето“ и „Мастилна мапа“.

Таа е дипломиран криминалист и моментално е вработена на Меѓународниот аеродром – Скопје, а слободното време го посветува на пишување романи и креирање приказни кои ќе им се допаднат и на најпребирливите читатели.

marija-od-skopje-e-kriminalist-i-pishuva-trileri-istrazhuvav-mapi-i-otrovi-za-romanite-da-bidat-verodostojni-05.jpg

Во интервју за CRNOBELO.com, Марија зборува малку повеќе за тајните на нејзиниот занает.

За тоа како знаењата од факултетското образование успева да ги преслика во фиктивните светови што ги создава, но и за тоа што значи да се биде писател во рамки на еден мал пазар, како нашиот.

Во продолжение целото интервју со Марија:

Очекуваше ли дека ќе постигнеш толкав успех со романот „Сенки во подземјето“?

Очекував дека романот ќе го пронајде своето место во домашните библиотеки на читателите. Навистина ми е мило што приказната за криминалецот, банкарот и за јавниот обвинител успеа да допре до поголема публика.

marija-od-skopje-e-kriminalist-i-pishuva-trileri-istrazhuvav-mapi-i-otrovi-za-romanite-da-bidat-verodostojni-12.JPG

Сметаш ли дека тоа што студираше криминалистика во голема мера те насочи и при изборот на жанрот во кој твориш?

Кога се запишав на Факултетот за безбедност, знаев дека кримироманот ќе биде жанр во којшто ќе се пронајдам.

Знаењето што го стекнав низ годините го користам и во романите, внесувајќи се во умот и во играта на криминалците, но и применувајќи ги полициските постапки што се неопходни за да се фатат криминалците.

Дали ликовите што ги креираш се инспирирани од вистински луѓе или од приказните што си имала можност да ги прочиташ и да ги слушнеш во рамки на студиите?

Ликовите што ги креирам се плод на мојата фантазија и тие немаат сличности со луѓето од мојата околина.

Меѓутоа, приказните што сум ги слушала во текот на студиите придонеле за да ги создадам навиките на криминалците и нивното оперирање, како и начинот на дејствување на инспекторите, задачите и текот на истрагата што води кон фаќање на негативците.

marija-od-skopje-e-kriminalist-i-pishuva-trileri-istrazhuvav-mapi-i-otrovi-za-romanite-da-bidat-verodostojni-04.jpg

Со оглед на тоа што живееме во доба на социјални медиуми, често читателите ги оставаат своите коментари и мислења таму. Како реагираш ако прочиташ некоја критика или негативен коментар за твоето пишување?

Секој има различни мислења, ставови, перцепции.

Подеднакво ги ценам и позитивните и негативните критики.

Се трудам да ги забележам посочените недостатоци и да поработам на нив, создавајќи уште подобра приказна, без оглед дали станува збор за стилот на пишување, описите или ликовите.

marija-od-skopje-e-kriminalist-i-pishuva-trileri-istrazhuvav-mapi-i-otrovi-za-romanite-da-bidat-verodostojni-06.jpg

Колку се трудиш да ги истражиш областите за кои пишуваш за да избегнеш ситуации кои се неверодостојни? Ти се случило ли да „заглавиш“ при проверка на некои податоци?

Сите ситуации што се дел и од реалниот свет ги истражувам темелно, а потоа ги внесувам во приказната.

Постојат одредени работи што имаат свој начин на функционирање и што не може да бидат измислени.

Во „Сенки во подземјето“ дејството се одвива во Париз и во неколку други градови низ Франција.

Детално истражував мапа од Париз, со имиња на улици, фотографии и описи на одредени места и како такви ги претставив и во романот.

Во „Мастилна мапа“ поголемо внимание посветив на потеклото и на ефектите од отровот што убиецот го користи кај своите жртви. Двете проверки траеја подолго, но податоците се веродостојни.

marija-od-skopje-e-kriminalist-i-pishuva-trileri-istrazhuvav-mapi-i-otrovi-za-romanite-da-bidat-verodostojni-07.jpg

Продолжува на следната страница...



Би можело да ве интересира:

Коста Петров: „Кога се сакаш себеси, кога ќе научиш да си простиш себеси, кога ги прифаќаш сите свои... „Детето во мене никогаш не беше проблемот. Проблемот беше товарот што детето го ...
Французинката Олга 2 пати го посети Скопје: „Македонците се прекрасен народ“ „Ми се допадна културата, мешавина помеѓу оксидент и ориент, природата, византис...
Паша од Тајланд ја посети Македонија: „Бев на свадба кај најдобрата другарка Македонка, восхитена су...  „Македонците навистина ги почитуваат и им помагаат на постарите луѓе. Тоа ...
Јасмина Цветковска 9 години живее во Сиднеј: „Како инженер лесно најдов работа, но проблем се скапит... „Дипломите од природните науки, машинските струки, архитектура, електро-инженерс...
Сипхокази Трпкоски од Јужноафриканска Република е македонска снаа: „Сакам пастрмалија и ракија, Охри... „Македонската свадба е за мене е најубавата македонска традиција. Многу е убаво ...
Натали, археолог од Франција: „Македонците се многу гостопримливи, помалите градови ми се поубави од...   „Македонците генерално се со отворен ум и секогаш пријателски настроени, ...

Најчитани неделава

sonovnik-sidebar.jpg