Анабел од Канарски Острови е мажена за скопјанецот Бојан: „Учам да готвам гравче и сарма, сакам да се преселиме во Македонија“

„Македонија се чувствува, се живее од моментот кога ќе згазиш на оваа територија, има душа. Како може да не сакаш ваква земја?“, вели за CRNOBELO.com Анабел Велевска од Канарските Острови, која е во брак со скопјанецот Бојан.

anabel-od-kanarski-ostrovi-e-mazhena-za-skopjanecot-bojan-ucham-da-gotvam-gravche-i-sarma-sakam-da-se-preselime-vo-makedonija-01.jpg

Анабел Рамирез Хернандез, сега Анабел Велевска, е родена на островот Гранд Канарија, најголемиот од Канарските Острови.

Таа работи како менаџер за внатрешни комуникации и ги води социјалните мрежи на компанијата во која што е вработена.

Од март 2023 Анабел е во брак со Бојан Велевски од Скопје. Кога го запознала својот иден сопруг за Македонија знаела само едно - дека е земја што учествувала на Евровизија.

anabel-od-kanarski-ostrovi-e-mazhena-za-skopjanecot-bojan-ucham-da-gotvam-gravche-i-sarma-sakam-da-se-preselime-vo-makedonija-02_1.jpg

На почетокот нивната љубов била на далечина и тие постојано патувале на релација Македонија - Гранд Канарија за да се видат и да бидат заедно.

Денес живеат на островот, иако Анабел еден ден би сакала да се преселат во Македонија и да бидат поблиску до семејството на Бојан, бидејќи и таа е многу блиска со нив.

anabel-od-kanarski-ostrovi-e-mazhena-za-skopjanecot-bojan-ucham-da-gotvam-gravche-i-sarma-sakam-da-se-preselime-vo-makedonija-03.jpg

За љубовта и бракот со Бојан и за нејзините искуства во Македонија, Анабел ни раскажа во интервјуто за CRNOBELO.com:

Кога се запознавте со Бојан? Како почна вашата љубовна приказна? Дали беше тоа љубов на прв поглед?

Бојан го запознав преку заеднички пријатели и малку по малку почнавме да се дружиме.

Во одреден момент, пријателството се претвори во нешто повеќе, па почнавме често да патуваме меѓу Скопје и Гранд Канарија за да се видиме.

Сето тоа се случуваше среде пандемија, па имаше моменти кога со месеци бевме спречени да се видиме.

anabel-od-kanarski-ostrovi-e-mazhena-za-skopjanecot-bojan-ucham-da-gotvam-gravche-i-sarma-sakam-da-se-preselime-vo-makedonija-10.jpg

Дали ти беше необично што се омажи за Македонец? Си помислувала ли некогаш дека ќе бидеш во брак со странец?

Никогаш не помислував дека може да се омажам за некој од друга земја, а уште помалку за некој од Македонија, земја за која знаев многу малку.

Што знаеше за Македонија пред да го запознаеш Бојан?

Само дека учествуваа на Евровизија.

anabel-od-kanarski-ostrovi-e-mazhena-za-skopjanecot-bojan-ucham-da-gotvam-gravche-i-sarma-sakam-da-se-preselime-vo-makedonija-09_copy.jpg

Која е најдобрата особина на Бојан како сопруг? Дали е тој романтичен?

Бојан е внимателен, вреден и одговорен. Многу добро се надополнуваме во животот и хуморот ни е многу сличен, постојано се смееме.

Како те прифатија неговите роднини и пријатели? Дали си блиска со твојата свекрва?

Сите луѓе кои се дел од животот на Бојан со мене се однесуваат со голема наклонетост и почит.

Се чувствувам како дома кога сум во Драчево. Свекорот и свекрвата се особено заштитнички поставени кон мене и секогаш се грижат за мене и за тоа да не ми недостасува ништо.

anabel-od-kanarski-ostrovi-e-mazhena-za-skopjanecot-bojan-ucham-da-gotvam-gravche-i-sarma-sakam-da-se-preselime-vo-makedonija-08.jpg

А како твоите блиски го прифатија него? Се противеше ли некој на вашата љубов?

Моите пријатели и семејството го прифатија Бојан од самиот почеток.

Мислам дека единствено мајка ми беше порезервирана на почетокот, бидејќи често одев сама на далечни патувања, кај личност која не ја познаваше.

Но, од првиот пат кога се сретна со Бојан, одлично се поврзаа.

Дали правевте свадба или имавте само венчавка? Како изгледаат свадбите кај вас? Има ли некои посебни обичаи?

Бирократијата во Шпанија ни даде малку дополнителна работа, многу документација, состаноци, интервјуа...

Па штом ни дадоа овластување, повеќе од една година откако започнавме со постапките за венчавка, само закажавме термин и отидовме сами со нашите сведоци во судот за да се венчаме.

Иако претходните денови уживавме во убави пролетни денови, денот кога се венчавме врнеше многу, што во мојата земја значи среќа за бракот.

anabel-od-kanarski-ostrovi-e-mazhena-za-skopjanecot-bojan-ucham-da-gotvam-gravche-i-sarma-sakam-da-se-preselime-vo-makedonija-07.jpg

Продолжува на следната страница...



Би можело да ве интересира:

Васка Леонтиќ: „Забременив со ин витро, сама станав мајка на 48 години, мојата ќерка (5) знае сè за ... „Никогаш не размислував за тоа што ќе зборуваат другите за тоа дека забременив с...
Јелена Розга за CRNOBELO: „Мислев ќе се срушам од убавина кога публиката ја пееше ‘Гинем’ на цел гла... „Утрото пред концертот имав некој чуден страв, па ѝ се јавив на другарка ми и ѝ ...
Андријана Петрушовска пред финалето на „Гранд“: „Постои ривалство меѓу кандидатите, но секој е дојде... „Се трудам секогаш да сум стилски облечена, бидејќи сцената тоа го бара. А прива...
Јасмина Цветковска 9 години живее во Сиднеј: „Како инженер лесно најдов работа, но проблем се скапит... „Дипломите од природните науки, машинските струки, архитектура, електро-инженерс...
Елена од Кавадарци е мејкап артистка во САД: „Не планирав да се селам, тука заработката е поголема и... „Во САД најчесто само невестата, девериците и мајките најмуваат шминкер за свадб...
Миро Кацаров за љубовта со Ивана: „Ни се случи љубов на прв поглед, по неколку месеци веќе почнавме ... „Ивана знае дека јас сум блесав и будала на свој начин, па не беше шокирана од з...

Најчитани неделава

sonovnik-sidebar.jpg