Урбан лик: Игор Милановиќ – менаџер и поранешен ватерполист со одличен моден стил

Деловни или спортски комбинации?

Спортски комбинации секогаш. Патиките ми се најголема слабост и квалитетни спортски парчиња кои ми прават да се чувствувам најпријатно при нивно носење.

Облеката, исто така, сакам да ја комбинирам и да ја носам во кежуал варијанта, која и најчесто ја носам секојдневно.

Додека оделата и деловните комбинации ги носам исклучиво за специјални пригоди.

Омилени модни додатоци...

Часовниците. Обожавам како изгледаат и го надополнуваат модниот стил на секој маж, би сакал да имам огромна колекција на ексклузивни часовници, но морам да признаам дека откако се префрлив на смарт часовник, сè повеќе го преферирам.

Ми стана доста практичен и скоро никогаш не го менувам, и тој е дел од моето секојдневие, како и телефонот.

Навики од секојдневието, на која си најгорд?

Навика од секојдневието на која сум најгорд е мојата упорност. Ако имам обврска некоја или треба нешто да завршам не можам да седам мирен додека не ја завршам и мислам дека упорноста и истрајноста се едни од моите највредни особини.

Можеби и затоа што сум бик во хороскоп.

Спортуваш ли, како ја одржуваш формата?

Спортувам секојдневно бидејќи тоа ми е веќе навика и навистина имам дисциплина.

Сепак спортот ми бил секојдневие во еден дел од животот. Сум бил посветен и спортот ме направил тоа што сум и до ден денес.

Најчесто одам во теретана, а често знам и да правам брзо кардио до средно Водно или да играм фудбал заедно со другарите.

Моето тело е навикнато дека еден дел од денот треба да го посветам на некоја спортска активност.

Продолжува на следната страница...