Урбан лик: Игор Милановиќ – менаџер и поранешен ватерполист со одличен моден стил

Имаш ли некое хоби, што те релаксира најмногу?

Моето хоби е гледање спорт, како на телевизија, така и во живо.

Како љубител на спортот, сакам да гледам добар натпревар во секое слободно време, дури и заедно со другарите неколкупати годишно одиме на некој добар натпревар низ светот.

Еве следна ваква ситуација е Европското првенство во ракомет кое ќе се одржува во Загреб до јануари.

Без разлика дали е фудбал, ватерполо или ракомет. Следењето натпревари за мене е секогаш забавно и адреналинско.

Колку си активен на тема социјален живот, излегувања, успеваш ли да балансираш?

Социјалниот живот ми е многу важна компонента во животот и без постојано друштво со пријателите не би издржале еден ден.

Успевам да воспоставам баланс и секогаш да најдам време, како за пријателите и фамилијата, така и за деловниот живот.

Тајната на среќниот брак е…

Тајната на среќниот брак е она стандардното, компромис, се разбира.

Но, и да знаеш да премолчиш кога треба, да знаеш да му оставиш доволно време и простор на партнерот, да бидете еден со друг секогаш поддршка и пред сè да постои љубов, која е начин за совладување на сите препреки.

Најдобриот совет кој си го добил од родителите е…

Тоа е: „Можеш сè, можеш сам!“

Односно, дека секогаш треба да сметаш, пред сè, само на себе и дека повеќето работи најдобро можеш сам да си ги завршиш.

Исто така и се трудам секогаш да ги исполнам своите замислени цели колку што е можно понезависно.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело