Љубовната приказна на Давид Темелков и Елена: „Се запознавме во 2015 во Пула, двајцата веднаш почувствувавме нешто посебно“

Раскажи ми некој интересен момент од свадбата... Зошто се решивте да е во Скопје?

На свадбата имавме скоро стотина гости од Хрватска.

Многумина од нив изразија голема желба да научат наши обичаи, наши ора и песни!

Гледајќи ги нашите семејства и пријатели, како играат Пајдушко оро заедно, како пеат македонски и хрватски песни, беше непроценливо!

Имавте ли некои посебни обичаи?

Се потрудивме да ги испочитуваме и македонските, но и хрватските обичаи.

На што се сеќаваш најмногу од тој ден?

На моментот кога таа влезе во црква, на нејзиниот лик пред олтарот.

Кој е поромантичен - ти или таа? Која е најубавата романтична работа што си ја направил за неа?

Романтиката е нешто што обострано го практикуваме.

А која е најубавата романтична работа што сум ја направил за неа е прашање на кое таа би требало да одговори.

Колку сте слични карактерно? Кој ѝ е најголем квалитет, а која ѝ е најголема мана, да речеме...?

Доволно слични и доволно различни да можеме да се надополнуваме и растеме заедно.

Чесноста и лојалноста, истрајноста во добро и зло се едни од нејзините најголеми квалитети.

Ниедна мана не е вредна да се спомене.

Кој е поизбувлив, а кој прв попушта при расправија?

Како што реков и претходно, доволно слични и доволно различни да се надополнуваме и растеме заедно.

Се трудиме да бидеме зрели и мудри во моментите кога е потребно.

Што, според тебе, е важно за успешен брак?

Љубовта и почитта, верата, лојалноста и истрајноста.

Секој однос е ставен на тест во текот на животот, пријателски, деловен па и брачниот.

Без едно од овие пет, не верувам дека еден однос би успеал.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело