Елементал: Ние сме навикнати на загрепско сивило, македонското сонце ни ги полни батериите!

elemental-nie-sme-naviknati-na-zagrepskoto-sivilo-makedonskoto-sonce-ni-gi-polni-bateriite-1.jpg

Како почна целата приказна во далечната 1998-ма, кои се Елементал денес, што се случуваше овие години, што да очекуваме на 18-ти овој месец и многу повеќе, ексклузивно дознавате во интервјуто на Елементал за Црнобело.

18 години Елементал, замислувавте ли некогаш дека ќе стигнете до полнолетство?

Шот: Навистина ништо од сето ова не замислувавме кога почнувавме. Само ни беше важно да создаваме музика која на нас ни одговара и нормално добро да се забавуваме. Годините поминуваат, а не ни забележуваш колку брзо се случува тоа. Не се уморивме, можеме уште 18 години!

https://www.youtube.com/watch?v=AvpkIZqWdVU

Какви беа почетоците? Се случуваше ли да помислите да се откажете?

Реми: Почетокот беше уште во 1998-ма година кога првпат се собравме. Првиот албум го објавивме во 2000-та година, за кој Шот ги направи инструменталите. Во меѓувреме, некаде во 2001-ва почнавме да настапуваме со бенд, а во 2003-та одлучивме да направиме бенд во полн состав.

Тогаш Гордан Радочај – Инк излезе од бендот, па јас и Шот во 2004-та го направивме албумот „Male stvari“ кој во целост беше отсвирен. Потоа, не ја менувавме значително поставата, и во просек на секои две до три години објавуваме по еден албум.

Нашиот последен албум „Tijelo“ е објавен во 2016-та. Во текот на овие 19 години навистина имаше секакви интересни моменти меѓу нас, но секогаш останувавме еден покрај друг, бидејќи и покрај музиката нас нè поврзува и пријателството.

elemental-nie-sme-naviknati-na-zagrepskoto-sivilo-makedonskoto-sonce-ni-gi-polni-bateriite-3.jpg

Како изгледаше првиот настап пред 10 години во Скопје во Ваше сеќавање?

Шот: Нашиот прв настап во Скопје беше едно неверојатно искуство! Не знаевме што да очекуваме. Тоа беше кон крајот на август месец и допатувавме навечер, односно еден ден пред концертот. Организаторите ни рекоа дека е најдобро следниот ден да останеме во хотел и да не излегуваме.

На нас тоа ни изгледаше глупаво, бидејќи навистина сакавме да излеземе и да го видиме градот. Но, кога се разбудивме сфативме за што зборуваат, температурата надвор беше 47 степени. Тоа никогаш го немавме доживеано.

Потоа следеше вториот шок - храната е феноменална! Се сеќавам дека се убивавме од јадење по ресторани. Тој вкус! Па тоа кај нас го нема! И нормално, настапот – голем клуб, на отворено, премногу луѓе. Неверојатно!  

Што е тоа што секогаш ќе Ве враќа во Скопје? Храна, луѓе, некое посебно место?

Реми: Скопје е прекрасен град, не знам што ми е најубаво тука - климата, храната или луѓето. Климата е прекрасна, секогаш кога сме доаѓале било убаво времето, а тоа нас ни ги полни батериите, бидејќи ние сме навикнати на она загрепско сивило.

Не е залудно ставено сонцето на македонското знаме! Луѓето се многу дружељубиви и гостопримливи, секогаш се добри со нас. Никогаш не сме имале негативно искуство. А, храната? 

Па да речеме вака - ако живеам во Скопје, сигурно би имала барем 5 килограми повеќе, бидејќи не можеш да одолееш на таков вкус. Јас не знам како некој може да држи диета во Скопје, хаха.

elemental-nie-sme-naviknati-na-zagrepskoto-sivilo-makedonskoto-sonce-ni-gi-polni-bateriite-4.jpg

Можете ли да издвоите некоја интересна случка од настап во Скопје?

Шот: Инаку, една од нашите најинтересни приказни со фанови во Македонија го носи името Марија Кипријанова. Ова е девојката која беше на секој наш концерт во Македонија, па и надвор од Македонија. Од верен фан, таа денес стана најдобра пријателка со сите нас.  

Со кого би соработувале од Македонија? Сте размислувале ли на таа тема?

Реми: Не ја познавам толку добро македонската сцена, тоа е дефинитивно нешто кое морам подобро да го истражувам и нормално ќе Ви кажам.

elemental-nie-sme-naviknati-na-zagrepskoto-sivilo-makedonskoto-sonce-ni-gi-polni-bateriite-5.jpg

Што е следно од Елементал?

Шот: Подготвуваме нови песни. Уште не знаеме кога ќе почне сето тоа малку посериозно да се работи, па да се снимаат и материјали за нов албум, но по последниот „Tijelo“ кој беше дупли албум, повторно се врати желбата да создаваме нови материјали.

И нормално, големи се плановите за летната сезона – фестивали, концерти, патувања. 

Што да очекува Македнската публика на 18-ти? Откријте ни бар нешто?

Реми: Очекувајте многу добра музика - ќе ве однесеме назад низ време низ сите овие 19 години и ќе ги отсвириме нашите најголеми хитови, но ќе Ви ги претставиме и песните од новиот албум.

Ќе има за секој по нешто, сигурна сум дека никој нема да си замине незадоволен. Сега останува на публиката да ни возврати со позитивна енергија и тоа ќе биде концерт за паметење.

Автор: Сања Стојковска
(c) CRNOBELO.com

Би можело да ве интересира:

Како изгледа денес Дарко Давитковски - момчето што ја oтпеа „Сакам кола убава“ во 1995 година? „Мора да бидам искрен и да кажам дека и после толку години и ден денес ми е драг...
Валерија, Русинка која 10 години живее во Демир Капија: „Бев шокирана кога првпат стигнав тука, вино... „Во Македонија најмногу ми се допаѓа топлината на луѓето, отвореноста и можности...
Интервју со дуото ДНК: Панчо во кафеана ја нарачува „Недеља“ од Џеј, Андреј вели дека уште се истите... Велат дека воопшто не се променети како луѓе во овие 20 години кариера, Андреј р...

Најчитани неделава

sonovnik-sidebar.jpg