Благојче Јовановски (18) од Скопје е колекционер на фотоапарати: „Имам над 50 модели, а најстариот е од 1955 година“

Детали

понеделник, 08 март 2021

Благојче Јовановски (18) од Скопје е млад колекционер на фотоапарати. Негова љубов е фотографијата и старите апарати, а целата приказна започнува кога неговата баба му го подарила нејзиниот апарат од детството.

Во својата колекција има над 50 примероци. Најстариот апарат кој го поседува е од 1955 година - Lubitel 2, но се надева дека во скоро време ќе успее да ја збогати со уште поретро модели.

Lubitel 2

На прашањето кој модел му е особено драг, Благојче вели: „Сите ми се фаворити, сите подеднакво ми значат. Во моментов само мал дел од колекцијата е функционална. Како посебен, би го издвоил апаратот Gracia, кој е произведуван само една година во Јапонија – од 1970 до 1971.

Gracia

Колекцијата ја збогатува преку пронаоѓање стари модели онлајн: „Ги чистам и пребришувам секој трет ден. Навистина сум поврзан со мојата колекција и би сакал да ја збогатувам во иднина.“

Во моментов, неговите професионални фотки ги прави со Nikon d3500.

Ако и вие сте колекционер и сакате да ја споделите вашата колекција и приказна со нашите читатели, пишете ни на Оваа е-адреса е заштитена од спамботови. Треба да ви е овозможено JavaScript за да ја видите.

©CRNOBELO.com Забрането преземање и копирање. Крадењето на авторски текстови е казниво со закон.

Е. П. | Црнобело / фото: приватна архива на Благојче Јовановски