Јулијана Тодорова: „Чувам змија 4 години, ја хранам со глувци – не е отровна“


Јулијана Тодорова: „Чувам змија 4 години, ја хранам со глувци – не е отровна“

„Змијата Фросина има денови кога е нервозна и тоа се чувствува, а има денови кога сака да се умотува околу нас и да се гали на некој начин“, вели Јулијана од Скопје, која покрај змија чува и гуштер од видот Леопард Геко.

julijana-todorova-chuvam-zmija-4-godini-ja-hranam-so-gluvci-ne-e-otrovna-01.jpg

Јулијана Тодорова (41) од Скопје работи како раководител на оддел за човечки ресурси, а во слободно време сака да се релаксира со своите миленици змијата Фросина и гуштерот Наполеон.

Вели дека отсекогаш била вљубеник во егзотичните животни и дека грижата за нив ѝ е уживање.

Таа за CRNOBELO.com открива како се грижи за нив и какви навики имаат во секојдневието:

Како се одлучивте да чувате змија и гуштер како домашни миленици? Имаше ли некој член од семејството кој првенствено беше против?

Нашето семејство брои три члена, јас мојот син Марко Тодоров и мојата ќерка Миа Тодорова. Најпрво имавме куче од расата питбул и папагал нимфа (Кристина).

Желбата за егзотични миленици беше заедничка, како и одлуката за купување на истите.

Најпрво, мојот син го купи гуштерот (Наполеон), а потоа заедно двајцата за мојот роденден ми ја купија змијата, која си ја крстивме Фросина.

julijana-todorova-chuvam-zmija-4-godini-ja-hranam-so-gluvci-ne-e-otrovna-02.jpg

Како реагираат луѓето на вашите миленици?

Со секоја наша објава на социјалните мрежи од кое било милениче имаме лавина од коментари, најчесто се изненадени од нашата желба за такви миленици.

Има некои воодушевени кои сакаат да нè посетат во нашиот дом како и многубројни кои велат дека никогаш не би дошле кај нас на гости и секако безброј прашања.

Како реагираат милениците кога ви доаѓаат гости? Постојат ли правила што смеат, а што не смеат да прават гостите кога станува збор за односот кон милениците?

Најпрво нашите гости имаат желба да ги видат од далеку, потоа сакаат да ги допрат, а на крајот многу од нив пресреќни се сликаат за спомен или за објава на социјалните мрежи.

Правила секако не постојат, но ние им кажуваме како да ги држат за да не ги вознемируваат.

Инаку, сами по себе не реагираат никако, бидејќи најчесто се скриени во своите катчиња и многу ретко излегуваат од нив.

julijana-todorova-chuvam-zmija-4-godini-ja-hranam-so-gluvci-ne-e-otrovna-03.jpg

Какви услови се потребни за чување на змија?

Условите се доста специфични. Терариумот е од затворен тип заради безбедносни причини.

Температурата кај змијата треба да е околу 27 степени.

Како ѝ изгледа живеалиштето на змијата и колку често ѝ го чистите?

Терариумот на змијата е со пилевина и има голема кора од дрво кое и служи како засолниште и сад за вода.

julijana-todorova-chuvam-zmija-4-godini-ja-hranam-so-gluvci-ne-e-otrovna-04.jpg

Продолжува на следната страна...



Би можело да ве интересира:

Ангела од Скопје има само 6 години, а веќе е вистински мал готвач и потенцијална YouTube ѕвезда Ангела Божиновска од Скопје има 6 години и е прваче во ОУ:„Кирил Пејчиновиќ“. Не...
Фросина Пармаковска: Сакам книгата да живее и да стигне до што поголем број на читатели Огромно богатство ни се нашите читатели кои во голема мера го вратија својот фок...

Најчитани неделава

sonovnik-sidebar.jpg