Професор од Гостивар го освои највисокиот балкански врв во Бугарија: „Ниту лошото време не ме спречи да продолжам со подвигот“

Дали се соочивте со одредени предизвици пред да го започнете подвигот?

Пред секој повисок врв постои одредна доза на неизвесност и позитивна трема за она што те очекува, до одредена мера предизивик беа временските прилики, денот (30.07.2022) кој беше предвиден за искачување на највосоката точка на Балканот, не беше многу наклонет, според метеоролошките прогнози се очекуваше електрични празнења и врнежи, но тоа не ме поколеба да одлучам да го искачам врвот Мусала.

Дали искачувањето на врвот одеше непречено или се соочивте со одредени проблеми – Кои беа тие?

Немаше посебни проблеми при искачувањето на Мусала, непосредно при слегувањето од Мусала се оствари најавената временската прогноза и започна силен дожд кои малце го забави темпото на движење, камењарите беа многу лизгави и бараше поголема внимателност при симнувањето од врвот, особено во делот каде беа поставани челичните сајли.

Што е она што најмногу ви остави впечаток за време на искачувањето?

Најголем впечаток од оваа планинарска рута беше преубавите уникатни пејсажи кои ги нудат алпските врвови кои го одземаат здивот, големиот број глацијални езера кои ги нуди планината Рила.

Рила е уникатна планина по многу нешта, Рила ја нарекуваат водната планина затоа што располага со најголем број на глацијални езера на Балканот и има голем број минерални извори, при искачувањето до врвот Мусала се поминуват голем број езера тоа е едно од многуте впечатоци кои можам да ги издвојам.

Што би им препорачале на оние што би сакале во иднина да се упатат кон највисокиот врв на Балканот?

Сакам да ги охрабрам сите планинари кои сакаат да се искачат на Мусала, да не се двоумат, доколку се чуствуваат спремни и сакаат да уживаат на планината Рила да го направат тоа.

Кои се вашите идни планови – На кој врв следно планирате да го развеете македонското знаме?

Планови имам многу, но би сакал во следниве години да ги искачам повисоките врвови на Балканот како што се Митикас, Вихрен, Триглав а потоа да се обидам да го искачам највисокиот врв во Европа-Мон Блан.

Повеќе фотографии во продолжение:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Б. С. Б. | Црнобело