Професор од Гостивар го освои највисокиот балкански врв во Бугарија: „Ниту лошото време не ме спречи да продолжам со подвигот“

Детали

недела, 14 август 2022

„Имаше прогнози за електрични празнења и врнежи, но тоа не ме поколеба. При искачувањето на врвот немавме проблеми, но при симнувањето започна силен дожд“ – вели за CRNOBELO.com Дарко Оносимоски кој го развеа македонското знаме на највисокиот врв на Балканот, Мусала, на планината Рила, во Бугарија.

Дарко Оносимоски (44) од Гостивар, успеа да го искачи највисокиот планински врв на Балканот, Мусала 2.925 м.н.в. што се наоѓа на планината Рила, во Бугарија.

Дарко е дипломиран Етнолог и дипломиран професор по Географија и работи како професор во основно и средно училиште во Гостивар, кој слободното време го поминува во искачување на планински врвови, а во интервју за CRNOBELO.com откри повеќе детали за себеси, но и за тоа како изгледал подвигот за искачување на највисокиот балкански врв.

Колку врвови сте искачиле досега?

Со оглед на тоа дека безмалку секој викенд сум активен на некоја планина, немам точна евиденција за вкупниот број на искачени врвови до сега, но сите повисоки врвови во нашата земја ги имам искачено по неколку пати  (како на пример: Голем Кораб, Титов Врв, Крчин, Дешат, Стогово, Веливар, Магаро, Солунска Глава, Пелистер, Руен ...)

Одмор на плажа или искачување планински врвови – што би избрале и зошто?

По карактер сум доста темперанментен, повеќе преферирам искачување на планински врвови, веројатно причината е поради мојот карактер и темпераменотот.

Ги сакам активните планински авантури за разлика од одмор поминат пасивно со изложување на сонце, постојано на иста плажа. 

Колку време се подготвувавте за искачување на највисокиот врв на Балканот и како изгледаа подготовките?

Немав некоја посебна подготовка за искачувањето на највиоскиот врв на Балканот, поради тоа што секој викенд сум активен на македонските планини... и не ми преставуваше особена тешкотија да го искачам највисокиот врв на Балканот.

Дури во текот на четири дневните активности на планината Рила освен врвот Мусала успеав да ги искачам и некои повисоки врвови како што се Маљовица (2.730 м.н.в.), Иван Вазов (2.560 м.н.в.), Рилец (2.713 м.н.в.) итн.

Продолжува на следната страна...